شوية نصائح للبنات لتغيير النفسية!

شويه نصايح حلوة اووووي وهتفرق معاكي جداً وتغيرلك النفسيه
1- نامى كويس جداً
2 - اظبطى المنبه و قومى صلى الفجر و رددى أذكار الصباح
3 - أول حد تشوفيه من عيلتك قوليله كلمة حلوة تخليه يبتسم
4 - كوباية قهوة مع شوكولاتة بتحبيها
5 . متستنيش حاجة من أى حد
6 . بلاش تركزى مع أى حاجة ممكن تضايقك كبرى دماغك
7 . افتحى موبايلك و اكتبي فيه Nice Day
8. استغفري 1000 مرة
9. لو أى حد محتاج منك مساعدة ساعديه حتى لو متعرفيهوش
10 . البسى أكتر حاجة بتحبيها فـ لبسك و أنتى خارجة
11. اتفرجى على فيديو بيضحكك
12. اتصلى بحد مكلمتوش من زمان و قوليله وحشتينى
13..اتفرجي على صورك و أنتى صغيرة وأضحكي
14. حاولى تنجزى أى حاجة فـ يومك مهما كانت تافهة
15. حافظى على الصلوات الخمسة فـ مواعدها بالظبط
16. ازرعى وردة فـ بلكونة أوضتك
17. حبى نفسك و قولي لنفسك أنا بحبك
18. اسمعى قرآن نص ساعة
19. امسكى ورقة و قلم و ارسمى أى حاجة حتى لو شخبطة خرجى احساسك
20. أى حد تعرفيه روحى سلمى عليه و ابتسمى أول ما تشوفيه
21. خليكى هادية و مرنه و متفائله وعندك أمل
22. اشترى كتاب حتى لو مبتحبيش القراءة و اقرئى فيه لو صفحة
23. داومى على ذِكر الله طول اليوم
24. تصدقى أى مبلغ ، او بسمة على وش طفل
25- او اتبرعى بالدم
26. لو حد زعلان منك كلميه و قوليله أنا أسفه و الكاظمين الغيظ و العافيين عن الناس
27. لو حد مزعلك سامحى من قلبك الدنيا مش مستاهلة
28. حمام دافى
29. ركعتين قيام و وتر
30. متنسيش الناس من دعائك و لكى المثل
31. وردَك من القرآن اقرأيه فـ أى وقت بس اوعى تنسيه
10 آيات على الأقل
32. متنسيش تتوضى قبل ما تنامى و تقولى أذكار النوم
33. قبل ما تنامى راجعى يومك تانى و لو محستيش بتغيير حاولي تانى
34. متنسيش تظبطى المنبه لصلاة الفجر
35.ابدأى يوم جديد وانتي مبتسمه ومتفائله ومنشكحة
دعوة حلوة ليا بقا بالله عليكم

موضوعاتك جميلة مثلك

امممم ما احلاكي

عفا الله عنك شر البلاء

انتي اجمل @قمر الزمان رغد الوزان
انتي احلي @اسراء
امين يارب واياك اخ @حسام

بارك الله فيكي