الحب صعب جدًا، وتقيل، ومسؤولياته أكبر من حلاوته، أيًا كان شكله، حب الأم لابنها أو الصديق لصديقه أو الحبيب والحبيبة.
اللي بيحبك مش محتاجك وهو كويس، أد ما هو محتاجك وهو تعبان وحالته زي النيلة..
الرسول محمد "عليه الصلاة والسلام" مكنش محتاج زوجته "خديجة" وهو كويس، وفي عز من أهله، وحياته ماشية بشكل طبيعي، أد ما هو كان محتاجها وهو راجع بيتنفض من هول لحظة نزول الوحي عليه، هنا كان محتاج حضنها ودعمها، كان محتاجها تطمنه وتقوله إنها جنبه..
وأنا كويس وفرحان وزي الفل، ممكن مفكرش أتصل بصاحبي، ممكن أتصل بيه عشان يعيش معايا فرحتي، بس ممكن أنسى، لكن وقت الضيقة والشدة، هلاقي نفسي بأدور على رقمه في الموبايل من غير ما أفكر.
اللي تدور عليه أول واحد وقت المصيبة، هو صاحب المكانة الأكبر في روحك.
"أنا معنديش حاجة أديهالك".. اتقالتلي قبل كده من إنسان ما، من كام شهر.. على أد ما كانت الجملة قاسية في وقتها، على أد ما بأحترم صاحبتها دلوقتي، على الأقل كانت صريحة وشجاعة مع نفسها بدرجة كافية إنه تواجهني وتواجه نفسها بالحقيقة دي.. اللي بأكرههم فعلًا هما الكدّابين، اللي بيوعدوا ومهما مش أد اللي بيقولوه، اللي بيسترخصوا الكلام والقلوب.
لو معندكش استعداد تحب، خليك صريح وواجه نفسك بده.. صاحب عشان المصلحة، مجرد شلة تقضي معاها الوقت وخلاص، وتنساهم في غيابهم، واتجوز عشان الجنس والأطفال والاستقرار الأسري... بس متكدبش وتقول "بحبك"، لأي مخلوق أيًا كان شكل العلاقة اللي بينك وبينه، وأنت مش عارف قيمة اللي بتقوله.
اللي بيحبك مش محتاجك وهو كويس، أد ما هو محتاجك وهو تعبان وحالته زي النيلة..
الرسول محمد "عليه الصلاة والسلام" مكنش محتاج زوجته "خديجة" وهو كويس، وفي عز من أهله، وحياته ماشية بشكل طبيعي، أد ما هو كان محتاجها وهو راجع بيتنفض من هول لحظة نزول الوحي عليه، هنا كان محتاج حضنها ودعمها، كان محتاجها تطمنه وتقوله إنها جنبه..
وأنا كويس وفرحان وزي الفل، ممكن مفكرش أتصل بصاحبي، ممكن أتصل بيه عشان يعيش معايا فرحتي، بس ممكن أنسى، لكن وقت الضيقة والشدة، هلاقي نفسي بأدور على رقمه في الموبايل من غير ما أفكر.
اللي تدور عليه أول واحد وقت المصيبة، هو صاحب المكانة الأكبر في روحك.
"أنا معنديش حاجة أديهالك".. اتقالتلي قبل كده من إنسان ما، من كام شهر.. على أد ما كانت الجملة قاسية في وقتها، على أد ما بأحترم صاحبتها دلوقتي، على الأقل كانت صريحة وشجاعة مع نفسها بدرجة كافية إنه تواجهني وتواجه نفسها بالحقيقة دي.. اللي بأكرههم فعلًا هما الكدّابين، اللي بيوعدوا ومهما مش أد اللي بيقولوه، اللي بيسترخصوا الكلام والقلوب.
لو معندكش استعداد تحب، خليك صريح وواجه نفسك بده.. صاحب عشان المصلحة، مجرد شلة تقضي معاها الوقت وخلاص، وتنساهم في غيابهم، واتجوز عشان الجنس والأطفال والاستقرار الأسري... بس متكدبش وتقول "بحبك"، لأي مخلوق أيًا كان شكل العلاقة اللي بينك وبينه، وأنت مش عارف قيمة اللي بتقوله.