4- ملحمة الملاحم - أرانب وتعالب - صراع الأجيال 4- عقد الصلح

4- عقد الصلح
أرانب .... توحشوا
لمو رجال العصابي
عن كبريتي ..فتشوا
تايحرقو ...هالغابي
والساعة وحدي بالليل
فجأة شعلت ولعت نار
قال التعلب ويلي الويل
الشعل نارو أيهو حمار
قلو مساعد يا سيدي
هدا جيش الأرانب
مو طالع ...بأيدي
أنا برأي مانحارب
{ قام التعلب بصفع مساعده وأعلن بدء القتال }
تاك .تاك.تاك..تاك
لمن صار الأشتباك
مرقت.. نحلي مرحة
عقدت بيناتون صلحة
وشوي شوي شوي
طفوا النارا بالمي
أرانب ..... وتعالب
صاروا أغلى الحبايب
غراب قاعد مهموم
مشاكل مانو ملاقى
قال :
ريت السلم مابيدوم
وعند الوغى منتلاقى

من كتابي :ملحمة الملاحم- أرانب وتعالب- صراع الأجيال

الموضوع وصل 75 مشاهدة بدون تعليق واحد ممكن تقول شو مضمون هذه القصة

بشكل عام المشاهدات والتعليقات في صن سيت متراجعة فاول موضوع الك حصد 10000مشاهدة اما قبل اخر موضوع حصد 96مشاهدة يمكن لانو قصتي باللهجة السورية مو مفهومة للبعض لهيك مصار الها تفاعل اما مضمون القصة رح يفهمو الشاطر اذا كملتو وانا مرح كملو بسبب تعليقك

اخي لم اقصد هذا فانت مواضيعك كلها ذات قيمة لكن حبيت اتابعك ومشان اتابعك لازم بعرف شو مضمون الموضوع

ارجو انك ماتزعل

كيف بدي ازعل منك يانور عيوني .انا كرمالك سجلت في صن سيت وكرمالك كتبت وكرمالك رح استمر.
بعتذر منك لاني نقدت موضوعك الاسبوع الماضي.
كنت قاصد حتى حس بقلبك كيف بيكون وهوي مزعوج