الضمير و العقل و الفطرة !!!

الله عز وجل
مش بس شرع لينا الدين وامرنا ب حاجات ونهانا عن حاجات
ده كمان خلق جوانا حاجات بتساعدنا ع تنفيذ اوامره واجتناب نواهيه
اممممم يعني إيه الكلام ده
بصوا بقي
الله عز وجل خلق جوانا 3حاجات الضمير و العقل و الفطره
وكلهم بيساعدونا على السير في طريق الله خاصة الضمير
ده لوحده له عليك 3سلطات
سلطه تشريعيه: يبين الخير من الشر .. وبيلزمك بفعل الخير وبيجنبك الشر
سلطه تنفيذيه: لانه بيجازيك على فعل الخير بالطمأنينه أو بيسلمك للندم والتوبه على فعل الشر
سلطه قضائيه: لانه بيحكم عليك لما بتعمل خير إنك تستحق الثواب أو العقاب لما بتعمل شر
ف الضمير دايما بيسلمك للطمأنينه أو للندم اللي مش بيروح إلا بالتوبه
تاني حاجه الفطره
بترشد الانسان دايما للخير لما تكون نقيه ف الانسان بفطرته مؤمن بوجود الله ومؤمن إن فيه قوه عليا مسيطره على الكون كله
تالت حاجه العقل
ربنا وهب لينا عقل عشان عن طريقه نوصل لله ونؤمن بيه عن إقتناع تام عشان كده الله عز وجل ذكر العقل ومشتقاته حوالي 49 مره ف القرآن الكريم وده بيدل على عظم مكانة العقل في الإسلام
ونظرا لأن ممكن ال 3حاجات اللي ربنا خلقهم جوانا تفسد بسبب البيئه الفاسده
ف الاسلام سلك طرق تانيه عشان تساعد اللي فسدت فطرتهم أو عقولهم أو ضمائرهم
وهى الحدود
ف اللي فطرته اللي ربنا فطره عليها وعقله فسدوا حدود الله تردعهم غصب عنهم
ف لو تخيلنا ان حدود ربنا اتطبقت على الارض هنلاقي ان الناس كلها غصب عنها هترتدع وهتخاف تسرق او تقتل او تزني
لانهم هيبقوا عارفين كويس اوي انهم لو سرقوا هيتقطع كفهم اليمين ولو قتلوا عمد هيتقتلوا ولو زنوا المتزوج هيرجم والاعزب هيجلد
وكل العقوبات دي في ميدان عام يعني فضيحه بالنسبه لهم هيقع عليهم ضررين ضرر نفسي وضرر جسدي
ف غصب عنهم مش هينتهكوا حرمات الله
عشان كده دين الاسلام صالح لكل زمان ومكان لان ربنا شرع لينا كل حاجه هتحقق لينا الامان والسعاده لكن الإنسان

الحمد لله على نعمة الاسلام وكفى بها نعمة