عجبني فيكي لون عينيكى
ضحكتك لمسة ايديكي
بس لما اتمني زوجة
عمري يوم ما ابص ليكي
عجبني فيكي اجمل كلام
والغرام والانسجام
بس لو كلمت أهلي
أنكسف تبقي المدام
عجبني فيكي البنطلون
وحلو قوي رسم العيون
بس عند الارتباط
بعتذر انا مش مجنون
عجبني فيكي نبقي شلة
فأي رحلة معانا يلا
بس تكوني أم العيال
لا يا بنتي ابعدي يلا
عجبني فيكي إنك معايا
دايماً جاية علي هوايا
بس لما ابدأ حياتي
علاقتي بيكي تكون نهاية
عجبني فيكي حاجات كتير
بس فيّا عيب خطير
إني شرقي وطبعي غالب
أصلي م الاخر بغير
يعني يوم ما اختار شريكة
عمري ما ادور عليكي
انتي م الاخر صديقة
مش راح اطلب يوم ايديكي
اعذريني مش هابقي ليكي
العلاقه ما بينا لعبة
م الآخر بتسلى بيكي