واحدة صاحبتي ملتزمة الله أكبر يعني ، خطيبها كل ما يجي عندهم البيت بيقعد يلعب بلاي ستيشن مع أخواتها الصبيان و مش بيشوفها خالص ، كل اللي بينوله منها إنه بيسمع صوتها و هي بتنادي على أخوها عشان ياخد العصير أو الغدا ^^
و كل مرة بيجيبلها مصاصة و بالونة بيرجعهم مع صينية العصير
إمبارح كان العيد و رجع الصينية فاضية
كلمتني قالتلي و الله أطلعله>_<
قعدت أهدي فيها و اقولها معلش يابنتي يمكن نسى
قالتلي يعني هيكون نسى في العيد ، و الله أطلعله يابنتي يرضيكي يرضيكي ، الراجل يقول علينا ايه عيب و الله و هي ماسكة فـي و الله اطلعله
أخوها نده عليها و قالها إن ( .... ) عايزها ، راحت ارتبكت و قالتلي هطلعله إزاي لأ عيب هتكسف
^^
قعدت ساعة إلا ربع تلبس الإسدال و النقاب ، و الراجل مستني برا ، و اما طلعت قالها إنه مبعتش البالونة و المصاصة في الصينية زي كل مرة عشان تطلع و يديها العيدية و سألها إذا كانت محتفظة بالمصاصة و البالونات بتوع كل مرة و لا بتاكل المصاصة و بتلعب بالبالونة و خلاص ؟!
اتكسفت تقوله إنهم مابيقعدوش معاها لحد ما يروح حتى ، راحت باصة في الأرض و ابوها قاله : دي بتموت في المصاصة بتستناك تيجي مخصوص عشانها !
كرمشلها مشاعرها xD
المهم إنه إداها شنطة هدايا أما دخلت أوضتها فتحتها لقت علبة مصاصة و كيس بالونات و ورقة مكتوب فيها " أنا كمان بحب المصاصة و البلالين ،
كل سنة و انتِ في طاعة الله "