انا أحمد
كنت بحب واحدة من ايام الجامعة وكالعادة سابتني مع أول عريس واتجوزت وكان قدامي وقت عدت سنتين اهلي قالولي اخطب قبل ما تسافر لان جالي شغل برة فخطبت جارتي انا عارف انها بتحبني من زمان مروة خطبتها وسافرت كنت بحاول اتكلم معاها كتير وكنت ايام برجع تعبان مبقدرش اكلمها وانام وكانت لما بتزعل مبجريش اصالحها مكانش عندي مشاعر ناحيتها كنت بحترمها وبحاول اراعي ربنا فيها بس وهي كانت بتحاول تفرحني باي شكل بعد 8 شهور جالها كانسر في الرئة وكنت بفكر اسيبها كتير جدا وحاولت كتير اجرب ابقى جنبها عشان اشوف هستحمل مرضها ده ولا لأ عشان مظلمهاش بعد كده وكذا مرة طلبت مني انزل اسبوع بس تشوفني لانها حاسة انها هتموت وانا مهتمتش قولت ده دلع بنات وانا مش فاضيلها . مروة ماتت من 3 اسابيع ومشوفتهاش وصاحبتها بعتتلي الصورة دي من اول ما قريتها وانا بضرب نفسي كل يوم على الأيام اللي زعلتها فيها.ومكنتش اعرف مين معتز اللي بتتكلم عنه ده عرفت انه طفل عنده كانسر برضو كانت بتروح تسأل عنه عرفته وهي بتتعالج حسيت أد ايه هي تستاهل تتحب بس بعد فوات الأوان. لو رجعت هروح أبوس راسها واعوضها عن كل اللي حصل مني.قولو للي بتحبهم قبل فوات الأوان . لو حد بيحبك وبيفرحك متسيبهوش. هي الناس الكويسة ديما بتموت وبيفضل الناس اللي ميتعاشش معاها.
