امي انا رايح اشجع
بلاش يابني الداخليه هناك
امي ده الزمالك
يابني الموت هيستناك
يا حاجه متخافيش ده احنا هنكسب وحبي للزمالك هيعيش
يابني هيفيدوك بايه
ازاي بس ده نادينا ولينا حق عليه
روح يابني انبسط واضحك
روح يابني وارجع بضحكتك علي وشك
كلم ابنك ياحاج بيقولو فيه ضرب وموت
اتصلت ياحاجه بس سامع صوت سكوت
سامحيني ياما كان نفسي ارجعلك عايش
سامحيني ياما الموت بيني وبينك حايش
روحت اقول اعيش واموت عشانك
مت ياما ومحدش قالي مالك
لعبو الماتش ولا كان فيه روح راحت
لعبوا ولاد ... خليني ياما ساكت
اسف غلطت في حقك
قولي لابويا ميزعلش لما رحت قالي متتاخرش
واختي اللي كان نفسي اكون اخو العروسه واخويا اللي طهق من قعدته في المحروسه
احنا اصلا عايشين نموت
ده احنا اخرنا ياكلنا الدود
يعني هيا يا مصر جات علينا
فيه 74 برضه واحد قبلينا
خلاص ياصحابي قبل اسمي فيه لقب المرحوم
خليكوا جمبي يوم ما اروح ولا حد فيكم يكون مغموم
البقاء لله
