السلام عليكم ورحمه الله وبركاته
معاكم اختكم نور الهدي #ملكة_بحجابي
اتمني تكونوا بخير
صلوا علي الحبيب المصطفى
ويلا نبدا يا حوريات
. الرؤيه الشرعيه الرؤيه الشرعيه واللى بنات كتييييييييير اوى بسبب اليوم ده لقدر الله بيطلقوا....
- أيه يطلقوا بسبب يوم الرؤيه الشرعيه!
- اه والله هقولك لي دلوقتى أصبرى نبدأ بترتيب...
أحنا قولنا المره اللى فاتت أذاى تكونى زوجه صالحه عشان الملتزمين المتدينين يتقدمُلك وعرفنا برضوا صفات الرجال الملتزمين اى أنهارده هنعرف بقا نعمل اى ف الرؤيه الشرعيه القعده اللى كل بنت بتموت من الإحراج بسببها
....
أولاً انتى عرفتى أن العريس جِه وقاعد بره خلاص...
أتمنى متتوتريش عشان متنسيش الأسأله اللى هتسأليها وتوافقى منغير ماتعرفى اهم صفاته...
بصى اولا كده هتلبسى فستان واسع وشكله حلو بس ميكونش ناقصه اى حاجه من صفات الحجاب الشرعى تمام يكون واسع ومش قصير ودرعاته مش شفافه وتلبسى خمارك الجميل وتلفيه لفه حلوه ومترفعهوش ع الكتفين رجاءاً تمام كده والفستان يكون طويل مش مبين رجلك تمام ويكون الفستان لونه مش فاقع ولا فاتح الفساتين الغامقه قمر جربى تلبسى فستان بنى أو كحلى أو نبيتى أو بنفسجى وشوفى هتكون قمرر ماشاء الله ازاى تمام كده خلصنا هتلبسى اى....
- لاء ثوانى معلش عندى سؤال؟
- اتفضلى يا روحى....
- لما أنا ألبس هدوم واسعه ومش باين منى حاجه غير وشى وأيدى كده هو هيعرف حجمى ازاى هيعرف انا تخينه أو رفيعه ازاى مش لازم يعرف حجم اللى هيجوزها؟
- حبيبتى هو لازم يشوف شكلها ويعرف صفاتها يعنى بتفكر ازاى ومتدينه ولا لاء اما موضوع الحجم ف ده امه واخته اللى بيشوفو!
- يعنى اى؟
- يعنى هو بيجى يوم الرؤيه يشوفك ويتكلم معاكى وبعدها بيومين قبل ما يقول الموافقه أمه وأخته بيجو تانى يشوفوكى!
- اممم وبيحصل اى ساعتها بقا؟
- بصى ده حصل قدامى اكتر من مره أن امه وأخته بيجو بعد يوم الرؤيه بيومين اول ما يدخلوا تقومى ليهم وتسلمى بأبتسامه ويقعدو مع العروسه وامها ويفصصو العروسه بقا...يعنى انتى اولا بتقعدى بأحلى حاجه عندك ترنج او اى حاجه حلوه بس اهم حاجه تكون بنطلون وبلوزه ويكونو ضيقين...
- أى ضيقين!!
- ايوه انتى كده كده قاعده مع ستات مفيش رجاله..
- ايوه فاهمه بس لى ضيقين؟
- عشان يعرفوا حجمك يا روحى ما هو العريس مش بيشوف اى حاجه منك وعاوز يعرف انتى اى موصفاتك قبل ما يوافق فا ستات العيله بيجوا يقعدو يتكلموا معاكِ يشوفوكى لبقه فالكلام ولا لاء وقديماً كانو بيجيبوا معاهم لوز وبندق يدو للعروسه عشان تكسره عشان يتأكدو سنانها جامده ولا لاء وبعدها يرموا اى حاجه صغيره مش باينه فالأرض ويقولولها هاتيها عشان يعرفوا نظرها حلو ولا لاء والحمدلله الحجات دى مش موجوده دلوقتى المهم ياستى نكمل انتى بتستحمى وتحطى مخمريه حلوه كده او اى ريحه حلوه انتى كده كده فالبيت وتسرحى شعرك ديل حصان وتحطى كلبسات شكلها حلو عشان هما بيركزو فالشعر ناعم ولا لاء وبتلبسى ترينج او اى حاجه حلوه وضيقه شويه عشان يعرفوا انتى رفيعه ولا تخينه بظبط وانتى قاعده تكونى بشوشه ووشك مبتسم وتضحكى معاهم وتهزرى شويه عشان ياخدوا عنك فكره انك فرفوشه مش قفل أو نكديه و تغسلى سنانك كويس وتعملى ايدك ورجلك سويت عشان ياخدوا فكره انك بتهتمى بنضافتك الشخصيه وتتكلمى بنفس level كلامهم..
- لاء ثوانى يعنى اى نفس level كلامهم هو فى ليڤيلات لكلام
!!
- اه والله شوفتى هشرحلك يا ستى بصى يعنى مثلاً أمه دى ست من الطيبين بتوع زمان اللى مش بيفهموا ف تكنولوجيا اليومين دول اما تيجى تتكلمى معاها متكلميش ف اى حاجه ف السوشيال ميديا متفتحيش اى موضوع فى تكنولوجيا دلوقتى أو متقوليش اى كلمه انجليزى ف النص متقوليش عشان تعرف انى مثقفه لاء فى كتير بيفكروا أن كده انتى تنكه!! ولما تيجى تتكلمى مع أخته لو سنها قريب من سنك او هى بنت الجيل ده ف هى فاهمه اكيد كل حاجه ف التكنولوجيا ف كلميها بقا ف اللى انتى عوزاه وتتواصلى معاها بنفس level كلامها امه تتكلمى معاها حلو وبلباقه وكل حاجه منغير اى كلام ف التقدم بتاع دلوقتى واخته فاللى انتى عوزاه وتقدم وتكنولوجيا وكل حاجه فا كده امه تاخد عنك فكرة انك متواضعة واخته تاخد عنك فكره انك مثقفه والاتنين هيروحو يقولو ليه عن كل الصفات اللى شافوها فيكِ وحاولى طول الوقت متفضليش قعده يعنى اتحركى شويه قدامهم يعنى هاتى شاى بعد نص ساعه قومى هاتى عصير بعد ساعه تانى قومى هاتى الغدا وتكونى انتى اللى عملاه وحاولى تعمليه احلا ماعندك بالله عليكى واتحركى كده شويه عشان مياخدوش فكره انك كسوله أو تقيله فالحركه كده تمام خلصنا قعده ام العريس واخته معاكِ ونسينا قعدتك انتى معاه
- لاء ولا يهمك قولى بقا هعمل اى وانا قاعده معاه الاول بس طب لو انا منتقبه هدخل بنقاب!!
- لاء بتدخلى منغير النقاب يا جميله لو انتى قبل ما هو يجى عرفتى أنه مش متدين او مش مستريحه ادخلى بنقاب لغايه ما يعجبك صفاته الاول عجبتك ومستريحه خلاص تمام ادخلى شيلى النقاب معجبكيش تكونى مقلعتيش النقاب وف نفس الوقت محصلش نصيب خلاص هو كويس شيلى النقاب عادى بس إذا أنتى عاوزه تدخلى منغير النقاب فاده عادى جدا مش حرام نكمل بقا....
- انا قولتك هتلبسى اى وطبعاً هتدخلى بصنيه العصير او اى حاجه يدوهالك وتدخلى باصه ف الارض بكل كسوف كده حتى لو مش مكسوفه معلش اعملى نفسك مكسوفه المهم انتى اكيد بتكونى مكسوفه بعد ما تقعدى وانتى باصه ف الارض العيلتين بيتكلموا شويه مع بعض وف النص بيكون فى تحفيل ع العريس والعروسه عادى جدا ده طبيعى المهم بعد ربع ساعة كلوا هيقوم ويقولو نسيبهم مع بعض بقا وغالبا الى بيقول كده أم العريس عشان تقريبا بيكون نغزها عشان تقوم وتفضى المكان عشان يكلم بقا معاكِ بعد ما كلو يقوم بيقعدو ف اوضه تانيه ف وش المكان اللى قاعدين فى عشان يكونو شايفنكم عشان مينفعش تقعدو ف اوضه لوحدكم لازم يكونو قريبين شويه وشايفينكم هتعملى بقا الخطوات الجايه دى....
1- الطبيعى أن العريس الى بيبدأ الكلام ويقولك ازيك هتقولى الحمدلله عادى ووشك ف الارض...
2- ايوه طيب وبعدين هتفضلى باصه ف الارض مش هنهزر اه غضى بصرك بس اليوم ده انتى مسمُحلك تبصى عليه وتشوفى وشه كويس لأن ده الشخص إلى أحتمال تقضى معاه عمرك كله فأول جملتين وشك ف الارض فايعرف انك بتكسفى وكده زى الفل بعد خمس دقائق تبصيلوا بقا وتتكلمى وانتى بصالُه متكسفيش زياده عن اللزوم عشان تعرفى تسألى وتشوفى براحتك....
3- هتسأليه أول سؤال أنتَ بتصلى؟
مثلاً قالك لاء مش بأنتظام او لاء خالص أو أتردد جدآ...
ده بقا د. محمد الغليظ قال متكمليش القعده قوليلو بابا هيرد ع حضرتك وبلغى والدك برفض على طول د. محمد الغليظ قال ده مش محتاج صلاه استخاره ده يترفض على طول ده مش بيعمل أهم حاجه ف حياته الى ربنا خلقه عشانها ومتقوليش كويس ومحترم هو ازاى هيكون محترم معاكِ وهو مش محترم مع ربنا مش بيأدى فرضه الاساسى سايب الصلاه الى هى عماد الدين!!! فااا لاء أرفضى منغير تفكييير...
4- طيب نفترض أنه قال اه الحمدلله بصلي تكملى القعده وتسألى تانى سؤال وأهم سؤال...حافظ أى من كتاب الله؟
نفترض قال لاء!! فااا ده شيء محزن بردو بس مش هتقومى وترفضى هنشوف بقيت صفاته الأول اللى هتحكم ممكن دى تشيل دى ولا لاء فااا لى حفظه لأى حاجه من كتاب الله مهمه عشان القرأن بيربى وبيعلم المسلم يكون عنده حُسن خُلق ويعامل مراته أزاى وهى تعامله أزاى تمام فااا اللى ممكن يعوض شويه تكونى خدتى بالك وهو داخل عمل اى مع مامته وأخته يعنى اول ما دخل أقعد أمه وعامل أخته كويس كده ولا عاملهم وحش لو عاملهم وحش فأعرفى أنه هيعاملك نفس المعامله فا أتمنى يكون عاملهم حلو تمام كده....
5- أسألى بيصلى قيام الليل؟ لو قالك أن يبقا ده راجل مفيش منه وزى الفل اوى اوى قيام الليل يعنى مواظب على فروضه الاصليه وكمان بيصلى فرض سادس يبقا ده أن شاء الله مش هيقصر معاكِ...طيب نفترض قال لاء!! هو ده شيء مش لطيف بس بما أن قيام الليل مش فرض فلا خلاص نتغاضى عن قيام الليل وأن شاء الله خير بردو..
6- السؤال اللى بعده هتقوليلو بتصلى الفروض فين؟
طبعا هو لو متدين وملتزم هيقولك ف الجامع وده كده زى الفل والياسمين والورد اوى اوى.... طيب قالك يعنى اى فين؟ قوليلو ف البيت ولا الجامع؟ قالك ف الجامع زى الفل قالك ببقا ف الشغل ومش بعرف أنزل أصلى ف الجامع والله فا تمام إلى حد ما بردو طيب قالك فالبييييت!! قوليلو بكل هدوء وأدب كده بس الصلاه ف البيت لستات بس لى مش بتصلى ف الجامع؟
طبعاً هو هيتحرج ويقولك مثلا لما بكون تعبان بصلى ف البيت وبصلى ف الجامع شويه يعنى! فأذا أتحرج فاا ماشى عفونا عنه وأن شاء الله خير... طيب متحرجش وقالك بكل بجاحه وفيها اى ف البيت يعنى! ده بقى لو كل الردود الى فاتت كانت سلبيه زى كده بردو فالأحسن يابنتى متكمليش أحنا عاوزين حد كويس ودى جوازه العمر....
7- السؤال اللى بعده قوليلو بتسمع أغانى؟
قالك أه فاده قومى أرفضيه متسيبيش مجال مش هنهزر حد بيسمع أغانى وحكم الاغانى أن يوم القيامة هيتصب نحاس مغلى ف ودنه تجوزيه!! أحنا عاوزين راجل ياخد بأيدك لجنه مش لنار الدنيا ما هى إلى دار الفناء يعنى كده كده رايحه الجنه اللى باقيه وانتى عاوزه تخشيها يبقا تختارى حد يعينك ويساعدك وياخد بأيدك ليها...
8- أسأليه هتجيب صحابك البيت؟ طبعاً هيستغرب بس لنا يجاوب إذا قال لاء طبعا فا تمام جدا... إذا قال أه عادى فاا أسألى كل صحابك ملتزمين ومتدينين ولا لاء؟ قالك لاء مش ملتزمين فا دى اجابه مش مناسبه خالص بصراحه!!
لاء مينفعش يجيب صحابه البيت ويفضلوا داخلين طالعين ويدايقك خصوصاً لو بيشربو سجائر وكده بس لو للضروره أنه عمل عمليه أو صحابه ملتزمين ومجوزين تمام يجوا كل فين وفين كده عزومه وانتى تتعرفى على مراته لو ملتزمه وزى الفل...
9- أسأليه عاوز تجوز واحده ملتزمه ومتدينه لى؟
لو كان رده عشان أنشأ بيت على طاعه الله ونساعد بعض وناخد بيأد بعض لجنه ونربى أطفال ف طاعه الله ونحفظهم قرأن وكده طب ده عسل عسل اوى اوى....
طب قالك بقا عشان عايز واحده تخدم أمى! وتعملى أكل! لاء ده مترديش عليه قومى وقوليلو حضرتك مرفوض على طول مش هنهزر ده كده عاوز خدامه مش زوجه وصديقه وحبيبه فااا لاء طبعاً...
لو قالك عشان عاوز واحده تصون بيتى وعيالى وتحافظ عليهم وووو فا بصراحه ده مش أحسن حاجه ف الرد بس هنمشيها عشان منبقاش معقدين تمام وأن شاء الله الردود الجايه تبقا أحسن....
10- أخر سؤال هتعمل عاوز تعمل فرح أسلامى ولا مختلط؟
قالك طبعا عاوزو أسلامى فا زى الفل اوى اوى اوى
طب قالك لاء انا عاوز نروح نعمل عمره بدل الفرح فا ده أرقعيلو زغروطه وروحى هاتى المأذون لاء لاء بهزر بس ده بجد راجل مفيش منه اتنين متكمليش أسأله ووافقى على طول بأمانه.....
طيب نفترض قال لاء عادى عاوزه زى الناس مختلط... ده يابنتى والله منغير مبالغه متكمليش القعده وقوليلو الرد هيوصل مع والدى وبلغى والدك بالرفض تمام احنا قولنا الحلقه اللى فاتت يكون عنده نخوه وراجل بجد يعنى يكون بيغير مش يسيبك ف الفرح بترقصى قدام الرجاله عادى وجسمك بيميل يمين وشمال وفى اغانى وتبدأو حياتكم بمعصيه ربنا!!!...
بصوا من الاخر الأسأله اللى سألتيها دى وضوبط الخطوبه على رأى د. محمد الغليظ كفيله تطفش أى عريس وهو اللى يرفض...
دى كده أهم الأسأله اللى لازم تسأليها تمام..
- كده خلصنا؟
- لاء خودى هنا يابت خلصنا اى احنا لسه بنقول بسم الله اصبرى!
- اى ده كله وكل الرغى ده ولسه هتبدأى
؟؟!!
- لاء لاء بهزر خلاص هو ناقص بس حاجتين تانى اصبرى معلش...
طبعاً هو هيسأل بردو ومتقلقيش هما مش بيرخموا ف الأسأله يعنى لو ملتزم اللهم بارك هتلاقى بيسألك نفس الأسأله اللى انتى هتسأليها دى بتصلى أو حافظه اى من القرأن وف أساسيات الدين عمواما فأتمنى تكونى مثقفه شويه ف الدين وأسألتهم ف العموم سهله لا تقلقى يعنى أن شاء الله أهم حاجه ردو على أسألتك أنتى بس.!
أخر حاجتين بقا طبعاً الرد ف الأغلب بيكون بعد أسبوع بيكون هو جِه مره شافك وبعد يومين ستات العيله جُم شافوكى ف اليوم الخامس بقا والدك لازم يروح يسأل عليه ولو هو يعرف جاره وأنه مش ممكن يطبل للعريس ده ف كويس اوى يسأله تعامله أزاى مع جاره وهل بيشوفوا يروح يصلى ولو لاء وشاب كويس ولا لاء ويسأل أكتر من حد لو فى محلات قريبه من بيته يسأل صاحب المحل والجيران ويسأل كتير ولو الأب متوفى العم يروح يسأل أو الخال المهم يرحو يسألوا وكتير واكتر من حد عشان دى جوازه مش اى حاجه وخلاص والرجاله عارفه بتسأل أزاى ومش بطريقه مباشره عشان الشخص ده ميطبلش للعريس لو عارفه اوى أسأله غير مباشره ويضحك شويه مع اللى بيسأله ده عشان ميحسش أنه بيستجوبه وكده تمام....
أنتى بقا عشان تتأكدى تانى بردو أنه كويس تعالى وقت الفجر كده ورنى ع أخت العريس أو أمه و أطمنى وكده و
بعدها ف نص الكلام هو فلان*(أسم العريس)* فين هو جمبك؟ تقولك مثلاً نايم قوليلها أه طب صلى الفجر أترددت كده يبقا هتكذب وتقولك أه قالتك أن الحمدلله مش بيسيب فرض كده فل الحمدلله ورنى ف وقت اى صلاه مثلاً صلاه الجمعه وأكلمى وف نص الكلام أسألى هو فين بيصلى الجمعه يبقا تمام مراحش صلى وتعبان وصلى ف البيت تمام ومصلاش خالص يبقا مش تمام خاااالص ولو لقيتى أن كذا مره تتصلى ومصلاش يبقا كدب ساعت الرؤيه الشرعيه لما قالك بصلى ومتنسيش ف الرؤيه تسأليه بردو حافظ أحاديث وبتدرس علم شرعى ولا لاء وخليكِ ناصحه وأسألى وكونى فايقه كده متسبيش الموضوع عايم دى جوااازه ولازم تطمنى من اللى هتتجوزيه ده....
هتعملوا اى ف الفتره اللى ما بين الرؤيه الشرعيه ويوم الخطوبه هقول ع السريع تعملوا اى وزى ما انتم عارفين مش هطول متقلقوش...
المهم كلنا عارفين أن الفتره دى تقريبا لو اللى جه اتقدم ف فتره دراسه العروسه زى فتره الثانويه كده وهى عاوزه تخلص ثانوى الاول فاا ممكن الفتره دى تبقا سنه مثلا او سنتين على حسب هى ف اولا ولا تانيه ثانوي ولو هما عادى يتخطبو ف الثانوي بتكون المده اللى مبين الرؤيه والخطوبه شهر او شهرين بكتير ولو هي ف الجامعه ف بتتخطب ف خلال شهرين تلاته مش بيطولو لأن بردو احتمال تجوز أثناء فتره الجامعه عادى...
"(بس توضيح اللى هقوله ده يتعمل ف فتره الرؤيه وففتره الخطوبه لأنهم نفس الحجات تمام كده فاهنبدأ الأول ب هتعملى اى فالفتره دى وبعدها نقول يوم الخطوبه تعملى اى....عذرا على عدم الترتيب بس عشان ضوبط الرؤيه الشرعيه هى نفسها ضوابط الخطوبه)"
المهم عشان مطولش عليكم...
اول مشكله بتوجهنا هى التلفون والخروجات اللى هو تلقيهم 24 ساعه كلام ف التلفون وخروج عادى...
- اه والله يا أختى ولا كأنهم مخطوبين...
- نعم ياما؟!!
- اى فى اى؟!!
- يعنى اى ولا كأنهم مخطوبين حضرتك أسمها ولا كأنهم مجوزين وهما مخطوبين بردو مينفعش كلام ف التلفون أو خروجات...
- اى ده بجد!!
- اه والله!
- متفتيش بس بالله عليكى
!
- والله مش بفتى وهقولك لي دلوقتى أصبرى متسبقيش الأحداث.. هو انا كنت وقفت فين؟
- عند الكلام ف التلفون والخروجات ف الفتره اللى مبين الرؤيه الشرعيه والخطوبه....
- اه بصى ف الوقت ده مينفعش كلام ف التلفون أو خروجات خالص...لى بقا لأنكم مش متجوزين!!
انتم لسه ف اول مرحله خالص اللى هو لسه متقدم اصلا ولسه مفيش خطوبه خالص ومعلومه بس حكايه قرى الفاتحه بدعه وحرام لأن موردتش عن الرسول صل الله عليه وسلم ولا الصحابه حتى واحنا اللى مخترعنها فا موضوع قرايه الفاتحه ده بدعه متقرأُهاش بمناسبه اقرأُها ف الطبيعه عادى بدون اى مناسبه عشان متدخلوش ف نطاق البدع!!
وف الفتره دى بقا مش كل شويه تسمحى أن ينطلكم ف البيت لاء يجى لضرورة بسسس ولو ينفع يكلم والدك ف الفون ويقولو الحاجه دى يبقا أفضل عشان مش كل شويه يشوفك...
- وهى دى فيها مشكله دى كمان؟!
- اه هقولك لى... كل ما البنت كانت تقيله واللى متقدم ده ميشوفهاش كتير هيفضل مشتاقلها وهتكون جوهره بنسباله هو لى الخواتم الفالصو عاديه والجوهره كله بيتمنى يشوفها بس...
- لأن الفالصو رخيص والجوهره غاليه اوى ومش كلو بيطول يجيبها...
- الله ينوووووور عليكيييييى أديكى قولتيها بنفسك عشان كده بقا احنا بنقول عاوزين نبقا زى الجواهر ومش زى الفالصوا وكل اللى رايح واللى جاى يقدر يوصلنا هو نفس النظام... لو انتى فضلتى جوهره ومفيش كلام ف التلفون ولا فى خروجات وانه يقدر يشوفك كل شويه ولا تكون صورك عنده ويشوفها كل شويه وانتى مش حلاله وعلى فكره لازم تغضى بصرك عنه وهو كمان نفس النظام... أنتِ متاح ليكى تبصيلو ف الرؤيه الشرعيه ولو منتقبه وهو معرفش يشوفك كويس متاح يجى ويشوفك 3 مرات بسسس لو هو من شارعك أو كان يعرفك قبل النقاب ميشوفكيش بوشك غير مره اللى هو يوم الرؤيه لأن هو كده كده عارف وشك....تمام كده
- ااااااه أنا فهمت أصبرى بس أجمع!!......!!
- خلاص ولا لسه...
- اه خلاص جمعت كملى معلش أصلك رغيتى كتير
- تسلمى يا غاليتي ده من زوقك
أكمل بقا...
فأحنا قولنا نبقا جوهره ولا يشوفك كتير ولا يكلمك ف الفون خالص تمام كده ولو عاوز ياخد رأيك ف حاجه يرن وتكونى قاعده ف نص الصاله وتفتحى الأسبيكر وكلو يكون سامع والكلام منغير ضحك ولا مياعه تخلصوا الكلام المهم وتقفلى...كل ما تكونى كده هتكونى غاليه ف عنيه أكتر كل ما ميعرفش يمسك أيدك أو يسمع صوتك هتكونى زى الجوهره اللى مش عارف يوصلها تفضلى كده لغايه يوم كتب الكتاب ويومها فعلاً هتحسو بأحلى لمسه أيد ف الحلال وأحلى كلام وأحلى خروجه.....
المهم أنا عارفه انكم سرحتو وانا عارفه أرجعى ياختى منك ليها أحنا لسه ف الخطوبه فوووووووقى 
المهم ف فتره الرؤيه الشرعيه أو الخطوبه مينفعش خروج أو كلام ف الفون...
وهو مش حلالك... هو لسه أجنبى عنك يعنى غريب عنك وفى بنات تيجى تقول ما هو بابا وماما عارفين...
حبيبتى حتى لو الجيران كلها عارفه بردو حرام...
احنا ملناش دعوه بناس لينا دعوه بالدين وربنا وانك هتتحاسبى يوم القيامة لوحدك هما مش هيجو يتحاسبوا عنك فا متسمعيش لا كلام صحابك ولا كلام أهلك لو هما على غلط فى أمهات أعوذ بالله يعنى تلاقيها هي بنفسها اللى بتدى الفون لبنتها وتقولها خودى كلمى عريسك انا مش فاهمه ازاى تكون أمك بتحبك وتديكى النار بأديها تجبلك الأذى وغضب ربنا عليكِ بأديها!!
الأمهات دى بتمشى بنمط أن لاء هو خطيبها وهيجوزها بس لاء نفترض محصلش نصيب!!...
يابنات والله لازم تعملى حدود بينك وبين خطيبك مفيش حاجه أسمها كلام ف التلفون! حضرتك...
1- مفيش كلام ف الفون...
2- مفيش خروج..لوحدكم أو معاكم حد...
3-مينفعش يتغزل فيكِ...
4- مفيش حاجه أسمها بحبك!!..
5- مش كل شويه يتصل أو يجى البيت...
أعملى اللى قولت عليه ده وشوفى هيكون ملهوف عليكِ وعاوز يعجل وقت الفرح ويجوز فأسرع وقت وهيحبك أكتر وأكتر لأنك غاليه اوى ومش عارف يوصلك...
كنت سمعت بنت ربنا يبارك ف عمرها قالت لبنت كلمه لغايه دلوقتي مش هنساها بأمانه كانت جمله كفيله تنهى كُل شيء قالتلها "- من شَبِعَ مِنكِ حرامًا لن يتزوجكِ حلالًا فوقي"
- فاهمين الجمله؟!!
ماهو متعبش عشان يوصلك وقت مايعوز بيكلمك بيجيلك البيت بيخرج معاكِ بيقولك كلام حلو وانتى مسمياه بابتى وروحى وكبدتى وفشتى وهدايا وحب ولڤلڤا وف الاخر يا أختى هيفشكل ومش هتجوزيه فى ناس أقسم بالله بيفشكلو الجوازه يوم كتب الكتاب على حاجه تافه ماهو ربنا مش مبارك ف الجوازه انتى أغضبتى!
وتلاقى جوازه أفشكلت يوم الفرح أقسم بالله بتحصل وشوفتها كتير!
واللى أجوزو دول بعد حب ف الحرام سنين وخروجات وهدايا وحب بعد ما يجوزو هتلاقى خناقات كتييييير اوى بينهم ماهو انتى أغضبتى ربنا ومش مبارك ف الجوازه!!
اللى تشوفوهم على السوشيال بيحبو ف بعض وهدايا وحب من غير جواز وبعد الجواز لسه بيحبو بعض فا تالله ثم تالله أكيد فى خناقات من ورا الكاميرا هما مش هيصورو وهما بيتخانقو!!
وربنا هيحاسبهم على كل اللى عملوه ده!! طب لى ما أنا أجوز حد شايفنى غاليه وربنا يباركلى في وميحصلش مشاكل كتيير....
"( وهقول كلمتين للبنات المخطوبين و اللى بيحبو منغير ما يكون حد عارف وبيقولو أنهم مرتبطين منغير ما يجى يتقدم أو اى حاجه على الوتس او اى وسائل التواصل أو ف الدرس أو عموما يعنى بنت الله يبارك ف عمرها هى اللى كتباهم)"
هتكلم عن "الأرتباط" واللى هو المفروض أسمه
"وقت تعارف" لأن مسمى الأرتباط ده بيجى مع ربط البهائم فقط
. معظم البنات إللي كلمتني سألتني هل الحب حرام أم حلال هنا الاجابه يا حبيباتى
ربنا قادر يتحكم في مشاعرنا صح؟
=صح
هتقوليلي طيب ليه ربنا خلاني أحبه طالما هو مش خير ليا ومش هيبقي من نصيبي ؟
=أستوعبي معايا كدة سؤالك يعني أبقي قاعدة في امان الله فـ ربنا يلهمني اني اروح اكلم ولد وأرتبط بيه
ربنا مبيزرعش فينا غير الخير، الخير وبس.
أنتي اللِ مشيتي ورا شيطانك وشر نفسك.
اصلآ بنسبة 99%مبيبقاش حب ده بيبقي جوع
-جوع!
=اه جوع انتي جعانة اهتمام ، جعانة حنية، جعانه حد يطبطب عليكي انتي جعانة حب يابنت الناس وده ياما العيب من الاهل او الصحبة او انتي اللِ طماعة بقي.
للأسف معظم البنات اللي مرتبطين بيكونوا في سن 14 او15 او 16 سنه
مسألتيش نفسك قبل كده ليه السن ده؟ هقولك انا ليه مره شوفت واحد بيقول لصاحبه متعرفش حته كده اندر ايديج تخيلي! تخيلي كده انك بيتقال عليكي حته وكانك لا شئ ياللي بتنادي بحرية المرأه وشايفه ان الدين ضدها رغم ان الدين خلاكي غاليه وانتي مغلتيش نفسك.
عارفه بقا ليه يا حلوة ارتبط بيكي وانتي اندر ايدج؟ عشان بتكوني لسه بريئه ومش فاهمه في الدنيا ولا لسه قرأتي حاجه عن الدين بيستغل سنك وقلة نضجك معظم المشاكل اللي بتجيلي على صراحه بتكون بسبب الارتباط طب ليه؟ ليه توجعي في قلبك وتغضبي ربك وتخوني اهلك مع واحد خان عهده مع ربه ومعاكي ارجوكي فوقي🥺
هو كـ شاب عارف هو بيعمل اي؟
عارف أنك في سن محتاجة اهتمام
يسألك نمتي ، صحيتي ، كلتي ، خرجتي ، رجعتي ، وفي اللي بيدخل من باب الدين صليتي ؟ هصحيكي للقيام النهاردة وهو عارف ان اللي بيعمله ده حرام ، وانتي كمان عارفة كده {اتأمنون ببعض الكتاب وتكفرون بعض}.
فـ هو الباشا هيعمل اي ؟ هيهتم بيكي وبعدين مع الوقت الاهتمام يقل و في منهم بنسبة 1%عشان مش اظلم حد بيقي نيته كويسة لكن هو لو بيحبك كان صبر واستني لما تبقي ليه في الحلال غير كده بيتسلي لو بيحبك مش هيكمل ذنب انتي لقدر الله موتي في اي وقت هتتحاسبي عليه هتقعي من علي الصراط بسببه ابعتي ليه مسدج احنا لازم نسيب بعض علشان حرام هندخل احنا الاتنين النار بسبب الذنب ده لو رفض وقالك مش هقدر استغني عنك انتي الهوا و و و اعرفي انه مينفعش تكملي نهائي لو بيحبك مش هيستحمل انك تتعذبي في النار والقبر دقيقة واحدة .
لو كان بيحبك مجرد ما هتقولي كده هتغلي في نظرة ويحاول يحافظ عليكي وهيبعد عنك لحد ماا يتقدملك لكن هو مش عايز انتي اللي تقفلي معاه هو عايز يبعد هو بعد ما يشبع منك ويلاقي واحده تانيه يتسلى بيها تخيلي انك مجرد وقت فاضي في حياة الباشا ده مش اكتر
مين اللِ قال {ولا متخذات أخدان } {ولا متخذي أخدان}
(بعني لا البنت تكون مرتبطه بـ شاب ولا العكس)
لما ربنا بعزته وجلاله يحرم العلاقة بين الشاب والبنت خارج إطار شرعي يعني لا بينكم خطبة او عقد قرآن يبقيي بابا او ماما يحللوا ويحرمو بتاع اي؟
"والحب الحرام لا يتمه الله، بل يكوي به أصحابه ، والحلال ينير قلوبآ يظن من شدة ظلمتها أنها لن تنير قط.
الحب الحرام هيفضل حرام حتي لو بابا وماما عارفين
هيفضل حرام حتي لو بيحفظك قرآن
أفضلي ادعي الدعوات دي .
"( قلبك للي يجي البيت من بابه.
قومي بقا من غير تفكير امسحي رقمه اعمليله بلوك من كل حاجة ومتقلليش من نفسك افتكري ديمآ انك مش اقل من اي بنت عفيفة جالها نصيبها يلا ابدئي صفحة جديدة مع نفسك واصبري كدا على ما سيد الرجالة كدة يجيلك لحد عندك ياست الغاليين بحبك في الله يا سنجولة من دلوقتي.
بس كده أتمنى تكونو أستفادتُ من حلقه أنهارده
وف الختام أن أصبت فهذا توفيق من الله وأن أخطأت فهاذا منى اومن الشيطان...
والسلام عليكم ورحمه الله
معاكم اختكم نور الهدي #ملكة_بحجابي
اتمني تكونوا بخير
صلوا علي الحبيب المصطفى
ويلا نبدا يا حوريات
. الرؤيه الشرعيه الرؤيه الشرعيه واللى بنات كتييييييييير اوى بسبب اليوم ده لقدر الله بيطلقوا....
- أيه يطلقوا بسبب يوم الرؤيه الشرعيه!
- اه والله هقولك لي دلوقتى أصبرى نبدأ بترتيب...
أحنا قولنا المره اللى فاتت أذاى تكونى زوجه صالحه عشان الملتزمين المتدينين يتقدمُلك وعرفنا برضوا صفات الرجال الملتزمين اى أنهارده هنعرف بقا نعمل اى ف الرؤيه الشرعيه القعده اللى كل بنت بتموت من الإحراج بسببها
....أولاً انتى عرفتى أن العريس جِه وقاعد بره خلاص...
أتمنى متتوتريش عشان متنسيش الأسأله اللى هتسأليها وتوافقى منغير ماتعرفى اهم صفاته...
بصى اولا كده هتلبسى فستان واسع وشكله حلو بس ميكونش ناقصه اى حاجه من صفات الحجاب الشرعى تمام يكون واسع ومش قصير ودرعاته مش شفافه وتلبسى خمارك الجميل وتلفيه لفه حلوه ومترفعهوش ع الكتفين رجاءاً تمام كده والفستان يكون طويل مش مبين رجلك تمام ويكون الفستان لونه مش فاقع ولا فاتح الفساتين الغامقه قمر جربى تلبسى فستان بنى أو كحلى أو نبيتى أو بنفسجى وشوفى هتكون قمرر ماشاء الله ازاى تمام كده خلصنا هتلبسى اى....
- لاء ثوانى معلش عندى سؤال؟
- اتفضلى يا روحى....
- لما أنا ألبس هدوم واسعه ومش باين منى حاجه غير وشى وأيدى كده هو هيعرف حجمى ازاى هيعرف انا تخينه أو رفيعه ازاى مش لازم يعرف حجم اللى هيجوزها؟
- حبيبتى هو لازم يشوف شكلها ويعرف صفاتها يعنى بتفكر ازاى ومتدينه ولا لاء اما موضوع الحجم ف ده امه واخته اللى بيشوفو!
- يعنى اى؟
- يعنى هو بيجى يوم الرؤيه يشوفك ويتكلم معاكى وبعدها بيومين قبل ما يقول الموافقه أمه وأخته بيجو تانى يشوفوكى!
- اممم وبيحصل اى ساعتها بقا؟
- بصى ده حصل قدامى اكتر من مره أن امه وأخته بيجو بعد يوم الرؤيه بيومين اول ما يدخلوا تقومى ليهم وتسلمى بأبتسامه ويقعدو مع العروسه وامها ويفصصو العروسه بقا...يعنى انتى اولا بتقعدى بأحلى حاجه عندك ترنج او اى حاجه حلوه بس اهم حاجه تكون بنطلون وبلوزه ويكونو ضيقين...
- أى ضيقين!!
- ايوه انتى كده كده قاعده مع ستات مفيش رجاله..
- ايوه فاهمه بس لى ضيقين؟
- عشان يعرفوا حجمك يا روحى ما هو العريس مش بيشوف اى حاجه منك وعاوز يعرف انتى اى موصفاتك قبل ما يوافق فا ستات العيله بيجوا يقعدو يتكلموا معاكِ يشوفوكى لبقه فالكلام ولا لاء وقديماً كانو بيجيبوا معاهم لوز وبندق يدو للعروسه عشان تكسره عشان يتأكدو سنانها جامده ولا لاء
وبعدها يرموا اى حاجه صغيره مش باينه فالأرض ويقولولها هاتيها عشان يعرفوا نظرها حلو ولا لاء والحمدلله الحجات دى مش موجوده دلوقتى المهم ياستى نكمل انتى بتستحمى وتحطى مخمريه حلوه كده او اى ريحه حلوه انتى كده كده فالبيت وتسرحى شعرك ديل حصان وتحطى كلبسات شكلها حلو عشان هما بيركزو فالشعر ناعم ولا لاء وبتلبسى ترينج او اى حاجه حلوه وضيقه شويه عشان يعرفوا انتى رفيعه ولا تخينه بظبط وانتى قاعده تكونى بشوشه ووشك مبتسم وتضحكى معاهم وتهزرى شويه عشان ياخدوا عنك فكره انك فرفوشه مش قفل أو نكديه و تغسلى سنانك كويس وتعملى ايدك ورجلك سويت عشان ياخدوا فكره انك بتهتمى بنضافتك الشخصيه وتتكلمى بنفس level كلامهم..- لاء ثوانى يعنى اى نفس level كلامهم هو فى ليڤيلات لكلام
!!- اه والله شوفتى هشرحلك يا ستى بصى يعنى مثلاً أمه دى ست من الطيبين بتوع زمان اللى مش بيفهموا ف تكنولوجيا اليومين دول اما تيجى تتكلمى معاها متكلميش ف اى حاجه ف السوشيال ميديا متفتحيش اى موضوع فى تكنولوجيا دلوقتى أو متقوليش اى كلمه انجليزى ف النص متقوليش عشان تعرف انى مثقفه لاء فى كتير بيفكروا أن كده انتى تنكه!! ولما تيجى تتكلمى مع أخته لو سنها قريب من سنك او هى بنت الجيل ده ف هى فاهمه اكيد كل حاجه ف التكنولوجيا ف كلميها بقا ف اللى انتى عوزاه وتتواصلى معاها بنفس level كلامها امه تتكلمى معاها حلو وبلباقه وكل حاجه منغير اى كلام ف التقدم بتاع دلوقتى واخته فاللى انتى عوزاه وتقدم وتكنولوجيا وكل حاجه فا كده امه تاخد عنك فكرة انك متواضعة واخته تاخد عنك فكره انك مثقفه والاتنين هيروحو يقولو ليه عن كل الصفات اللى شافوها فيكِ وحاولى طول الوقت متفضليش قعده يعنى اتحركى شويه قدامهم يعنى هاتى شاى بعد نص ساعه قومى هاتى عصير بعد ساعه تانى قومى هاتى الغدا وتكونى انتى اللى عملاه وحاولى تعمليه احلا ماعندك بالله عليكى واتحركى كده شويه عشان مياخدوش فكره انك كسوله أو تقيله فالحركه كده تمام خلصنا قعده ام العريس واخته معاكِ ونسينا قعدتك انتى معاه
- لاء ولا يهمك قولى بقا هعمل اى وانا قاعده معاه الاول بس طب لو انا منتقبه هدخل بنقاب!!
- لاء بتدخلى منغير النقاب يا جميله لو انتى قبل ما هو يجى عرفتى أنه مش متدين او مش مستريحه ادخلى بنقاب لغايه ما يعجبك صفاته الاول عجبتك ومستريحه خلاص تمام ادخلى شيلى النقاب معجبكيش تكونى مقلعتيش النقاب وف نفس الوقت محصلش نصيب خلاص هو كويس شيلى النقاب عادى بس إذا أنتى عاوزه تدخلى منغير النقاب فاده عادى جدا مش حرام نكمل بقا....
- انا قولتك هتلبسى اى وطبعاً هتدخلى بصنيه العصير او اى حاجه يدوهالك وتدخلى باصه ف الارض بكل كسوف كده حتى لو مش مكسوفه معلش اعملى نفسك مكسوفه
المهم انتى اكيد بتكونى مكسوفه بعد ما تقعدى وانتى باصه ف الارض العيلتين بيتكلموا شويه مع بعض وف النص بيكون فى تحفيل ع العريس والعروسه عادى جدا ده طبيعى المهم بعد ربع ساعة كلوا هيقوم ويقولو نسيبهم مع بعض بقا وغالبا الى بيقول كده أم العريس عشان تقريبا بيكون نغزها عشان تقوم وتفضى المكان عشان يكلم بقا معاكِ بعد ما كلو يقوم بيقعدو ف اوضه تانيه ف وش المكان اللى قاعدين فى عشان يكونو شايفنكم عشان مينفعش تقعدو ف اوضه لوحدكم لازم يكونو قريبين شويه وشايفينكم هتعملى بقا الخطوات الجايه دى....1- الطبيعى أن العريس الى بيبدأ الكلام ويقولك ازيك هتقولى الحمدلله عادى ووشك ف الارض...
2- ايوه طيب وبعدين هتفضلى باصه ف الارض مش هنهزر اه غضى بصرك بس اليوم ده انتى مسمُحلك تبصى عليه وتشوفى وشه كويس لأن ده الشخص إلى أحتمال تقضى معاه عمرك كله فأول جملتين وشك ف الارض فايعرف انك بتكسفى وكده زى الفل بعد خمس دقائق تبصيلوا بقا وتتكلمى وانتى بصالُه متكسفيش زياده عن اللزوم عشان تعرفى تسألى وتشوفى براحتك....
3- هتسأليه أول سؤال أنتَ بتصلى؟
مثلاً قالك لاء مش بأنتظام او لاء خالص أو أتردد جدآ...
ده بقا د. محمد الغليظ قال متكمليش القعده قوليلو بابا هيرد ع حضرتك وبلغى والدك برفض على طول د. محمد الغليظ قال ده مش محتاج صلاه استخاره ده يترفض على طول ده مش بيعمل أهم حاجه ف حياته الى ربنا خلقه عشانها ومتقوليش كويس ومحترم هو ازاى هيكون محترم معاكِ وهو مش محترم مع ربنا مش بيأدى فرضه الاساسى سايب الصلاه الى هى عماد الدين!!! فااا لاء أرفضى منغير تفكييير...
4- طيب نفترض أنه قال اه الحمدلله بصلي تكملى القعده وتسألى تانى سؤال وأهم سؤال...حافظ أى من كتاب الله؟
نفترض قال لاء!! فااا ده شيء محزن بردو بس مش هتقومى وترفضى هنشوف بقيت صفاته الأول اللى هتحكم ممكن دى تشيل دى ولا لاء فااا لى حفظه لأى حاجه من كتاب الله مهمه عشان القرأن بيربى وبيعلم المسلم يكون عنده حُسن خُلق ويعامل مراته أزاى وهى تعامله أزاى تمام فااا اللى ممكن يعوض شويه تكونى خدتى بالك وهو داخل عمل اى مع مامته وأخته يعنى اول ما دخل أقعد أمه وعامل أخته كويس كده ولا عاملهم وحش لو عاملهم وحش فأعرفى أنه هيعاملك نفس المعامله فا أتمنى يكون عاملهم حلو تمام كده....
5- أسألى بيصلى قيام الليل؟ لو قالك أن يبقا ده راجل مفيش منه وزى الفل اوى اوى قيام الليل يعنى مواظب على فروضه الاصليه وكمان بيصلى فرض سادس يبقا ده أن شاء الله مش هيقصر معاكِ...طيب نفترض قال لاء!! هو ده شيء مش لطيف بس بما أن قيام الليل مش فرض فلا خلاص نتغاضى عن قيام الليل وأن شاء الله خير بردو..
6- السؤال اللى بعده هتقوليلو بتصلى الفروض فين؟
طبعا هو لو متدين وملتزم هيقولك ف الجامع وده كده زى الفل والياسمين والورد اوى اوى.... طيب قالك يعنى اى فين؟ قوليلو ف البيت ولا الجامع؟ قالك ف الجامع زى الفل قالك ببقا ف الشغل ومش بعرف أنزل أصلى ف الجامع والله فا تمام إلى حد ما بردو طيب قالك فالبييييت!! قوليلو بكل هدوء وأدب كده بس الصلاه ف البيت لستات بس لى مش بتصلى ف الجامع؟
طبعاً هو هيتحرج ويقولك مثلا لما بكون تعبان بصلى ف البيت وبصلى ف الجامع شويه يعنى! فأذا أتحرج فاا ماشى عفونا عنه وأن شاء الله خير... طيب متحرجش وقالك بكل بجاحه وفيها اى ف البيت يعنى! ده بقى لو كل الردود الى فاتت كانت سلبيه زى كده بردو فالأحسن يابنتى متكمليش أحنا عاوزين حد كويس ودى جوازه العمر....
7- السؤال اللى بعده قوليلو بتسمع أغانى؟
قالك أه فاده قومى أرفضيه متسيبيش مجال مش هنهزر حد بيسمع أغانى وحكم الاغانى أن يوم القيامة هيتصب نحاس مغلى ف ودنه تجوزيه!! أحنا عاوزين راجل ياخد بأيدك لجنه مش لنار الدنيا ما هى إلى دار الفناء يعنى كده كده رايحه الجنه اللى باقيه وانتى عاوزه تخشيها يبقا تختارى حد يعينك ويساعدك وياخد بأيدك ليها...
8- أسأليه هتجيب صحابك البيت؟ طبعاً هيستغرب بس لنا يجاوب إذا قال لاء طبعا فا تمام جدا... إذا قال أه عادى فاا أسألى كل صحابك ملتزمين ومتدينين ولا لاء؟ قالك لاء مش ملتزمين فا دى اجابه مش مناسبه خالص بصراحه!!
لاء مينفعش يجيب صحابه البيت ويفضلوا داخلين طالعين ويدايقك خصوصاً لو بيشربو سجائر وكده بس لو للضروره أنه عمل عمليه أو صحابه ملتزمين ومجوزين تمام يجوا كل فين وفين كده عزومه وانتى تتعرفى على مراته لو ملتزمه وزى الفل...
9- أسأليه عاوز تجوز واحده ملتزمه ومتدينه لى؟
لو كان رده عشان أنشأ بيت على طاعه الله ونساعد بعض وناخد بيأد بعض لجنه ونربى أطفال ف طاعه الله ونحفظهم قرأن وكده طب ده عسل عسل اوى اوى....
طب قالك بقا عشان عايز واحده تخدم أمى! وتعملى أكل! لاء ده مترديش عليه قومى وقوليلو حضرتك مرفوض على طول
مش هنهزر ده كده عاوز خدامه مش زوجه وصديقه وحبيبه فااا لاء طبعاً...لو قالك عشان عاوز واحده تصون بيتى وعيالى وتحافظ عليهم وووو فا بصراحه ده مش أحسن حاجه ف الرد بس هنمشيها عشان منبقاش معقدين تمام وأن شاء الله الردود الجايه تبقا أحسن....
10- أخر سؤال هتعمل عاوز تعمل فرح أسلامى ولا مختلط؟
قالك طبعا عاوزو أسلامى فا زى الفل اوى اوى اوى
طب قالك لاء انا عاوز نروح نعمل عمره بدل الفرح فا ده أرقعيلو زغروطه وروحى هاتى المأذون
لاء لاء بهزر بس ده بجد راجل مفيش منه اتنين متكمليش أسأله ووافقى على طول بأمانه.....طيب نفترض قال لاء عادى عاوزه زى الناس مختلط... ده يابنتى والله منغير مبالغه متكمليش القعده وقوليلو الرد هيوصل مع والدى وبلغى والدك بالرفض تمام احنا قولنا الحلقه اللى فاتت يكون عنده نخوه وراجل بجد يعنى يكون بيغير مش يسيبك ف الفرح بترقصى قدام الرجاله عادى وجسمك بيميل يمين وشمال وفى اغانى وتبدأو حياتكم بمعصيه ربنا!!!...
بصوا من الاخر الأسأله اللى سألتيها دى وضوبط الخطوبه على رأى د. محمد الغليظ كفيله تطفش أى عريس وهو اللى يرفض...
دى كده أهم الأسأله اللى لازم تسأليها تمام..
- كده خلصنا؟
- لاء خودى هنا يابت خلصنا اى احنا لسه بنقول بسم الله اصبرى
!- اى ده كله وكل الرغى ده ولسه هتبدأى
؟؟!!- لاء لاء بهزر خلاص هو ناقص بس حاجتين تانى اصبرى معلش...
طبعاً هو هيسأل بردو ومتقلقيش هما مش بيرخموا ف الأسأله يعنى لو ملتزم اللهم بارك هتلاقى بيسألك نفس الأسأله اللى انتى هتسأليها دى بتصلى أو حافظه اى من القرأن وف أساسيات الدين عمواما فأتمنى تكونى مثقفه شويه ف الدين وأسألتهم ف العموم سهله لا تقلقى يعنى أن شاء الله أهم حاجه ردو على أسألتك أنتى بس.!
أخر حاجتين بقا طبعاً الرد ف الأغلب بيكون بعد أسبوع بيكون هو جِه مره شافك وبعد يومين ستات العيله جُم شافوكى ف اليوم الخامس بقا والدك لازم يروح يسأل عليه ولو هو يعرف جاره وأنه مش ممكن يطبل للعريس ده ف كويس اوى يسأله تعامله أزاى مع جاره وهل بيشوفوا يروح يصلى ولو لاء وشاب كويس ولا لاء ويسأل أكتر من حد لو فى محلات قريبه من بيته يسأل صاحب المحل والجيران ويسأل كتير ولو الأب متوفى العم يروح يسأل أو الخال المهم يرحو يسألوا وكتير واكتر من حد عشان دى جوازه مش اى حاجه وخلاص والرجاله عارفه بتسأل أزاى ومش بطريقه مباشره عشان الشخص ده ميطبلش للعريس لو عارفه اوى أسأله غير مباشره ويضحك شويه مع اللى بيسأله ده عشان ميحسش أنه بيستجوبه وكده تمام....
أنتى بقا عشان تتأكدى تانى بردو أنه كويس تعالى وقت الفجر كده ورنى ع أخت العريس أو أمه و أطمنى وكده و
بعدها ف نص الكلام هو فلان*(أسم العريس)* فين هو جمبك؟ تقولك مثلاً نايم قوليلها أه طب صلى الفجر أترددت كده يبقا هتكذب وتقولك أه قالتك أن الحمدلله مش بيسيب فرض كده فل الحمدلله ورنى ف وقت اى صلاه مثلاً صلاه الجمعه وأكلمى وف نص الكلام أسألى هو فين بيصلى الجمعه يبقا تمام مراحش صلى وتعبان وصلى ف البيت تمام ومصلاش خالص يبقا مش تمام خاااالص ولو لقيتى أن كذا مره تتصلى ومصلاش يبقا كدب ساعت الرؤيه الشرعيه لما قالك بصلى ومتنسيش ف الرؤيه تسأليه بردو حافظ أحاديث وبتدرس علم شرعى ولا لاء وخليكِ ناصحه وأسألى وكونى فايقه كده متسبيش الموضوع عايم دى جوااازه ولازم تطمنى من اللى هتتجوزيه ده....
هتعملوا اى ف الفتره اللى ما بين الرؤيه الشرعيه ويوم الخطوبه هقول ع السريع تعملوا اى وزى ما انتم عارفين مش هطول متقلقوش
...المهم كلنا عارفين أن الفتره دى تقريبا لو اللى جه اتقدم ف فتره دراسه العروسه زى فتره الثانويه كده وهى عاوزه تخلص ثانوى الاول فاا ممكن الفتره دى تبقا سنه مثلا او سنتين على حسب هى ف اولا ولا تانيه ثانوي ولو هما عادى يتخطبو ف الثانوي بتكون المده اللى مبين الرؤيه والخطوبه شهر او شهرين بكتير ولو هي ف الجامعه ف بتتخطب ف خلال شهرين تلاته مش بيطولو لأن بردو احتمال تجوز أثناء فتره الجامعه عادى...
"(بس توضيح اللى هقوله ده يتعمل ف فتره الرؤيه وففتره الخطوبه لأنهم نفس الحجات تمام كده فاهنبدأ الأول ب هتعملى اى فالفتره دى وبعدها نقول يوم الخطوبه تعملى اى....عذرا على عدم الترتيب بس عشان ضوبط الرؤيه الشرعيه هى نفسها ضوابط الخطوبه)"
المهم عشان مطولش عليكم
...اول مشكله بتوجهنا هى التلفون والخروجات اللى هو تلقيهم 24 ساعه كلام ف التلفون وخروج عادى...
- اه والله يا أختى ولا كأنهم مخطوبين...
- نعم ياما؟!!
- اى فى اى؟!!
- يعنى اى ولا كأنهم مخطوبين حضرتك أسمها ولا كأنهم مجوزين وهما مخطوبين بردو مينفعش كلام ف التلفون أو خروجات
...- اى ده بجد
!!- اه والله!
- متفتيش بس بالله عليكى
!- والله مش بفتى وهقولك لي دلوقتى أصبرى متسبقيش الأحداث.. هو انا كنت وقفت فين؟
- عند الكلام ف التلفون والخروجات ف الفتره اللى مبين الرؤيه الشرعيه والخطوبه....
- اه بصى ف الوقت ده مينفعش كلام ف التلفون أو خروجات خالص...لى بقا لأنكم مش متجوزين!!
انتم لسه ف اول مرحله خالص اللى هو لسه متقدم اصلا ولسه مفيش خطوبه خالص ومعلومه بس حكايه قرى الفاتحه بدعه وحرام لأن موردتش عن الرسول صل الله عليه وسلم ولا الصحابه حتى واحنا اللى مخترعنها فا موضوع قرايه الفاتحه ده بدعه متقرأُهاش بمناسبه اقرأُها ف الطبيعه عادى بدون اى مناسبه عشان متدخلوش ف نطاق البدع!!
وف الفتره دى بقا مش كل شويه تسمحى أن ينطلكم ف البيت لاء يجى لضرورة بسسس ولو ينفع يكلم والدك ف الفون ويقولو الحاجه دى يبقا أفضل عشان مش كل شويه يشوفك...
- وهى دى فيها مشكله دى كمان؟!
- اه هقولك لى... كل ما البنت كانت تقيله واللى متقدم ده ميشوفهاش كتير هيفضل مشتاقلها وهتكون جوهره بنسباله هو لى الخواتم الفالصو عاديه والجوهره كله بيتمنى يشوفها بس...
- لأن الفالصو رخيص والجوهره غاليه اوى ومش كلو بيطول يجيبها...
- الله ينوووووور عليكيييييى أديكى قولتيها بنفسك عشان كده بقا احنا بنقول عاوزين نبقا زى الجواهر ومش زى الفالصوا وكل اللى رايح واللى جاى يقدر يوصلنا هو نفس النظام... لو انتى فضلتى جوهره ومفيش كلام ف التلفون ولا فى خروجات وانه يقدر يشوفك كل شويه ولا تكون صورك عنده ويشوفها كل شويه وانتى مش حلاله وعلى فكره لازم تغضى بصرك عنه وهو كمان نفس النظام... أنتِ متاح ليكى تبصيلو ف الرؤيه الشرعيه ولو منتقبه وهو معرفش يشوفك كويس متاح يجى ويشوفك 3 مرات بسسس لو هو من شارعك أو كان يعرفك قبل النقاب ميشوفكيش بوشك غير مره اللى هو يوم الرؤيه لأن هو كده كده عارف وشك....تمام كده
- ااااااه أنا فهمت أصبرى بس أجمع!!......!!
- خلاص ولا لسه...
- اه خلاص جمعت كملى معلش أصلك رغيتى كتير
- تسلمى يا غاليتي ده من زوقك
أكمل بقا...فأحنا قولنا نبقا جوهره ولا يشوفك كتير ولا يكلمك ف الفون خالص تمام كده ولو عاوز ياخد رأيك ف حاجه يرن وتكونى قاعده ف نص الصاله وتفتحى الأسبيكر وكلو يكون سامع والكلام منغير ضحك ولا مياعه تخلصوا الكلام المهم وتقفلى...كل ما تكونى كده هتكونى غاليه ف عنيه أكتر كل ما ميعرفش يمسك أيدك أو يسمع صوتك هتكونى زى الجوهره اللى مش عارف يوصلها تفضلى كده لغايه يوم كتب الكتاب ويومها فعلاً هتحسو بأحلى لمسه أيد ف الحلال وأحلى كلام وأحلى خروجه.....
المهم أنا عارفه انكم سرحتو وانا عارفه
أرجعى ياختى منك ليها أحنا لسه ف الخطوبه فوووووووقى المهم ف فتره الرؤيه الشرعيه أو الخطوبه مينفعش خروج أو كلام ف الفون...
وهو مش حلالك... هو لسه أجنبى عنك يعنى غريب عنك وفى بنات تيجى تقول ما هو بابا وماما عارفين...
حبيبتى حتى لو الجيران كلها عارفه بردو حرام...
احنا ملناش دعوه بناس لينا دعوه بالدين وربنا وانك هتتحاسبى يوم القيامة لوحدك هما مش هيجو يتحاسبوا عنك فا متسمعيش لا كلام صحابك ولا كلام أهلك لو هما على غلط فى أمهات أعوذ بالله يعنى تلاقيها هي بنفسها اللى بتدى الفون لبنتها وتقولها خودى كلمى عريسك انا مش فاهمه ازاى تكون أمك بتحبك وتديكى النار بأديها تجبلك الأذى وغضب ربنا عليكِ بأديها!!
الأمهات دى بتمشى بنمط أن لاء هو خطيبها وهيجوزها بس لاء نفترض محصلش نصيب!!...
يابنات والله لازم تعملى حدود بينك وبين خطيبك مفيش حاجه أسمها كلام ف التلفون! حضرتك...
1- مفيش كلام ف الفون...
2- مفيش خروج..لوحدكم أو معاكم حد...
3-مينفعش يتغزل فيكِ...
4- مفيش حاجه أسمها بحبك!!..
5- مش كل شويه يتصل أو يجى البيت...
أعملى اللى قولت عليه ده وشوفى هيكون ملهوف عليكِ وعاوز يعجل وقت الفرح ويجوز فأسرع وقت وهيحبك أكتر وأكتر لأنك غاليه اوى ومش عارف يوصلك...
كنت سمعت بنت ربنا يبارك ف عمرها قالت لبنت كلمه لغايه دلوقتي مش هنساها بأمانه كانت جمله كفيله تنهى كُل شيء قالتلها "- من شَبِعَ مِنكِ حرامًا لن يتزوجكِ حلالًا فوقي"
- فاهمين الجمله؟!!
ماهو متعبش عشان يوصلك وقت مايعوز بيكلمك بيجيلك البيت بيخرج معاكِ بيقولك كلام حلو وانتى مسمياه بابتى وروحى وكبدتى وفشتى وهدايا وحب ولڤلڤا وف الاخر يا أختى هيفشكل ومش هتجوزيه فى ناس أقسم بالله بيفشكلو الجوازه يوم كتب الكتاب على حاجه تافه ماهو ربنا مش مبارك ف الجوازه انتى أغضبتى!
وتلاقى جوازه أفشكلت يوم الفرح أقسم بالله بتحصل وشوفتها كتير!
واللى أجوزو دول بعد حب ف الحرام سنين وخروجات وهدايا وحب بعد ما يجوزو هتلاقى خناقات كتييييير اوى بينهم ماهو انتى أغضبتى ربنا ومش مبارك ف الجوازه!!
اللى تشوفوهم على السوشيال بيحبو ف بعض وهدايا وحب من غير جواز وبعد الجواز لسه بيحبو بعض فا تالله ثم تالله أكيد فى خناقات من ورا الكاميرا هما مش هيصورو وهما بيتخانقو!!
وربنا هيحاسبهم على كل اللى عملوه ده!! طب لى ما أنا أجوز حد شايفنى غاليه وربنا يباركلى في وميحصلش مشاكل كتيير....
"( وهقول كلمتين للبنات المخطوبين و اللى بيحبو منغير ما يكون حد عارف وبيقولو أنهم مرتبطين منغير ما يجى يتقدم أو اى حاجه على الوتس او اى وسائل التواصل أو ف الدرس أو عموما يعنى بنت الله يبارك ف عمرها هى اللى كتباهم)"
هتكلم عن "الأرتباط" واللى هو المفروض أسمه
"وقت تعارف" لأن مسمى الأرتباط ده بيجى مع ربط البهائم فقط
. معظم البنات إللي كلمتني سألتني هل الحب حرام أم حلال هنا الاجابه يا حبيباتىربنا قادر يتحكم في مشاعرنا صح؟
=صح
هتقوليلي طيب ليه ربنا خلاني أحبه طالما هو مش خير ليا ومش هيبقي من نصيبي ؟
=أستوعبي معايا كدة سؤالك يعني أبقي قاعدة في امان الله فـ ربنا يلهمني اني اروح اكلم ولد وأرتبط بيه
ربنا مبيزرعش فينا غير الخير، الخير وبس.
أنتي اللِ مشيتي ورا شيطانك وشر نفسك
.اصلآ بنسبة 99%مبيبقاش حب ده بيبقي جوع
-جوع!
=اه جوع انتي جعانة اهتمام ، جعانة حنية، جعانه حد يطبطب عليكي انتي جعانة حب يابنت الناس وده ياما العيب من الاهل او الصحبة او انتي اللِ طماعة بقي
.للأسف معظم البنات اللي مرتبطين بيكونوا في سن 14 او15 او 16 سنه
مسألتيش نفسك قبل كده ليه السن ده؟ هقولك انا ليه مره شوفت واحد بيقول لصاحبه متعرفش حته كده اندر ايديج تخيلي! تخيلي كده انك بيتقال عليكي حته وكانك لا شئ ياللي بتنادي بحرية المرأه وشايفه ان الدين ضدها رغم ان الدين خلاكي غاليه وانتي مغلتيش نفسك.
عارفه بقا ليه يا حلوة ارتبط بيكي وانتي اندر ايدج؟ عشان بتكوني لسه بريئه ومش فاهمه في الدنيا ولا لسه قرأتي حاجه عن الدين بيستغل سنك وقلة نضجك معظم المشاكل اللي بتجيلي على صراحه بتكون بسبب الارتباط طب ليه؟ ليه توجعي في قلبك وتغضبي ربك وتخوني اهلك مع واحد خان عهده مع ربه ومعاكي ارجوكي فوقي🥺
هو كـ شاب عارف هو بيعمل اي؟
عارف أنك في سن محتاجة اهتمام
يسألك نمتي ، صحيتي ، كلتي ، خرجتي ، رجعتي ، وفي اللي بيدخل من باب الدين صليتي ؟ هصحيكي للقيام النهاردة وهو عارف ان اللي بيعمله ده حرام ، وانتي كمان عارفة كده {اتأمنون ببعض الكتاب وتكفرون بعض}
.فـ هو الباشا هيعمل اي ؟ هيهتم بيكي وبعدين مع الوقت الاهتمام يقل و في منهم بنسبة 1%عشان مش اظلم حد بيقي نيته كويسة لكن هو لو بيحبك كان صبر واستني لما تبقي ليه في الحلال غير كده بيتسلي لو بيحبك مش هيكمل ذنب انتي لقدر الله موتي في اي وقت هتتحاسبي عليه هتقعي من علي الصراط بسببه ابعتي ليه مسدج احنا لازم نسيب بعض علشان حرام هندخل احنا الاتنين النار بسبب الذنب ده لو رفض وقالك مش هقدر استغني عنك انتي الهوا و و و اعرفي انه مينفعش تكملي نهائي لو بيحبك مش هيستحمل انك تتعذبي في النار والقبر دقيقة واحدة .
لو كان بيحبك مجرد ما هتقولي كده هتغلي في نظرة ويحاول يحافظ عليكي وهيبعد عنك لحد ماا يتقدملك لكن هو مش عايز انتي اللي تقفلي معاه هو عايز يبعد هو بعد ما يشبع منك ويلاقي واحده تانيه يتسلى بيها تخيلي انك مجرد وقت فاضي في حياة الباشا ده مش اكتر
مين اللِ قال {ولا متخذات أخدان } {ولا متخذي أخدان}
(بعني لا البنت تكون مرتبطه بـ شاب ولا العكس)
لما ربنا بعزته وجلاله يحرم العلاقة بين الشاب والبنت خارج إطار شرعي يعني لا بينكم خطبة او عقد قرآن يبقيي بابا او ماما يحللوا ويحرمو بتاع اي؟
"والحب الحرام لا يتمه الله، بل يكوي به أصحابه ، والحلال ينير قلوبآ يظن من شدة ظلمتها أنها لن تنير قط.
الحب الحرام هيفضل حرام حتي لو بابا وماما عارفين
هيفضل حرام حتي لو بيحفظك قرآن
أفضلي ادعي الدعوات دي .
"( قلبك للي يجي البيت من بابه
.قومي بقا من غير تفكير امسحي رقمه اعمليله بلوك من كل حاجة ومتقلليش من نفسك افتكري ديمآ انك مش اقل من اي بنت عفيفة جالها نصيبها يلا ابدئي صفحة جديدة مع نفسك واصبري كدا على ما سيد الرجالة كدة يجيلك لحد عندك ياست الغاليين بحبك في الله يا سنجولة من دلوقتي
.بس كده أتمنى تكونو أستفادتُ من حلقه أنهارده
وف الختام أن أصبت فهذا توفيق من الله وأن أخطأت فهاذا منى اومن الشيطان...
والسلام عليكم ورحمه الله