السلام عليكم ورحمة الله وباركته ..
صلوا علي المصطفي يلا
معاكم اختكم في الله ملكه بحجابي
ان الله طيب لا يحب الا الطيب
_المدير عاوزك يا كريم
بصيت لـِ سامح زميلي بإستغراب
_المدير..المدير؟
_ايوة المدير
_تقصد..اسلام نائب رئيس مجلس الإدارة؟
_لأ .. إسلام هقول عليه مدير برضك! ده بناديله إسلام عادي... اقصد عادل بيه
_غريبة دي
_ليه غريبة؟
_أصل عمري ما شوفت عادل ده! كل تعاملى مع إسلام.. ف هو طالب يشوفني ليه وهو مش عارفني؟
_معرفش.. روحله وشوف عاوز منك ايه
مشيت ناحية مكتبه واللي كان في الدور الثالث وانا كنت في الأول، وصلت وقولت للسكرتيره أسمي وان المدير طالبني.. دخلت المكتب وبعد دقيقة خرجت وقالتلي انه مستنيني
_السلام عليكم!؟
كان واقف وباصص على الشارع من الحيطة اللي كلها إزاز.. بصلي وابتسم
_وعليكم السلام ورحمة الله وبركاته.. اتفضل يا استاذ كريم
اتخضيت من شكله، كان شاب صغير متخطاش ال 30 ويمكن اصغر..جوايا احساس اني شوفته قبل كدة او سمعت صوته
ابتسملي تاني وهو باصصلي
_أنت مش عارفني صح؟
_محصليش الشرف يا فندم واقابل حضرتك
ضحك ضحكة طويلة وبعدين بصلي تاني
_افندم ايه.. يا راجل... ركز شوية
_هو انا حاسس اني شوفتك قبل كدة، لكن للأسف مش فاكر فين
_افكرك أنا.. من سنتين..
_سنتين!!
_آه سنتين.. في شارع فاضي و مكنش فيه حد غير واحد بس معدي من قدام صيدلية وبعدين جي واحد تاني خارج من الصيدلية. و وقفه وقاله محتاج فلوس وخد منه 190 جنيه وكانوا كل الفلوس اللي معاه وحتي مخلاش فلوس يرجع بيهم البيت
بصتله في ذهول انه عارف التفاصيل دي
_انت عارف كل ده منين؟
ابتسملي وفي عيونه لمحت دمعة
_شكراً يا كريم.. لانك ساعدتني انقذ اغلي انسانه في حياتي.. لولاك امي كان زمانها ضاعت مني
الذهول والدهشة تملكوا ملامح وشي
_انت! ازاي!؟ .. انا انا مش مصدق
_انا عمري ما نسيت شكلك ولا نسيت اسمك ومن يومها وانا بدعيلك في كل صلاة وفي قيام الليل كنت دائماً بتمنى من ربي أني اقابلك تاني وأردلك ولو جزء صغير من معروفك ولو اني عمري ما هوفي
_بس ازاي.. شكلك متغير خالص.. و...
_كنت فقير.. ده اللي عاوز تقوله
_مقصدش بس انا مستغرب
_أنا مكنتش فقير.. والدي هو صاحب الشركة دي وهو اللي عمل كل حاجة بس بعد ما مات اعمامي زوروا ورق ولعبوا في الوصية و استغلوا عدم وجودي في مصر لما بابا الله يرحمه مات ولما رجعت ملقتش ولا حاجة.. كل شيء خدوه، وانا وحيد معنديش غير اختي سارة.. ولما قابلتك انا كنت يائس مش عارف ارجع حقنا ولا عارف اتحمل مسئولية امي واختي... رجعنا شقتنا في الدقي وهي شقة قديمة جداً ودورت على شغل كويس اقدر من خلاله اصرف على البيت.. والمحامي بتاع بابا هو اللي ساعدني وقدرت اثبت ان اوراقهم مزورة وان الوصية اتلعب فيها و ورثت كل حاجة عن بابا و ده كان بعد ما شوفتك بشهرين
_وأنت كنت عارف اني بشتغل عندك؟
_طبعاً... انا أول ما شوفت اسمك في الناس اللي مقدمة على شغل ف الشركة اتخضيت وطلبت اشوف ال cv بتاعك واتاكدت من صورتك انك الشخص اللي بدعي ان اشوفه تاني
_طب ومقولتليش ليه من الأول
_لسببين: الاول هو ان عاوز اردلك بعض من معروفك فـَ كنت موصي عليك ياخدوا بالهم منك في الشغل عشان تتطور اكتر
والسبب التاني له علاقة بالسبب الاول اني كنت محتاج اثق فيك وأتأكد من حسن اخلاقك وحفاظك على دينك
_وعاوز تتأكد من ده ليه؟
_لأني ناوي اعينك نائب ليا في إدارة الشركة ومش بس الشركة هتساعدني في كل حاجة املكها.. بإختصار هتبقى مدير أعمالي
_بس ده كتير
_مش كتير صدقني.. أنت إنسان شريف و نادر الاقي حد بأمانتك ودينك
_بس انا اديتك 190 وانت كنت محتاج 250 انا اديتك الفلوس ناقصة...
_ اديتني كل اللي معاك
_بس ناقصين
_ممكن حد يديني ألف جنيه و واحد تاني يديني جنيه واحد بس..اللي اداني الألف معاه 10 غيره واللي اداني الجنيه ممعهوش غيره..ف عمرها ما بالمبلغ بل بالعطاء ولو كان من عدم وانت اعطتني كل اللي معاك واظن ده شيء عظيم لو تعلم
_طب هو كل التعويضات دي والحاجات الحلوة اللي حصلتلي عشان 190 جنيه؟
_أنت مسمعتش الآية الكريمة اللي بتقول "من ذا الذي يُقرض الله قرضاً حسناً فَيُضاعفه له أضعافاً كثيرة"؟ ولا متعرفش قصة عبدالرحمن بن عوف رضى الله عنه.. اللي تصدق بماله كله 4 مرات.. وربنا بيعوض عليه في كل مرة بأضعاف اللي تَصدق به...ربك كريم يا كريم
ابتسمت لجملته وعيوني جات على السماء،ادركت وقتها حقيقة مهمه أن الله لا يريد منا سوى الصدق! أن نعبده بصدق ونحبه بصدق وننفق لأجله وأبتغاء لمرضاته،190 جنيه قدروا يغيروا حياتي.. مش مبلغ كبير اكيد لكنه مبلغ أنفقته بصدق
"إن الله طيب لا يقبل إلا طيب"
#ملكه_بحجابي
صلوا علي المصطفي يلا
معاكم اختكم في الله ملكه بحجابي
ان الله طيب لا يحب الا الطيب_المدير عاوزك يا كريم
بصيت لـِ سامح زميلي بإستغراب
_المدير..المدير؟
_ايوة المدير
_تقصد..اسلام نائب رئيس مجلس الإدارة؟
_لأ .. إسلام هقول عليه مدير برضك! ده بناديله إسلام عادي... اقصد عادل بيه
_غريبة دي
_ليه غريبة؟
_أصل عمري ما شوفت عادل ده! كل تعاملى مع إسلام.. ف هو طالب يشوفني ليه وهو مش عارفني؟
_معرفش.. روحله وشوف عاوز منك ايه
مشيت ناحية مكتبه واللي كان في الدور الثالث وانا كنت في الأول، وصلت وقولت للسكرتيره أسمي وان المدير طالبني.. دخلت المكتب وبعد دقيقة خرجت وقالتلي انه مستنيني
_السلام عليكم!؟
كان واقف وباصص على الشارع من الحيطة اللي كلها إزاز.. بصلي وابتسم
_وعليكم السلام ورحمة الله وبركاته.. اتفضل يا استاذ كريم
اتخضيت من شكله، كان شاب صغير متخطاش ال 30 ويمكن اصغر..جوايا احساس اني شوفته قبل كدة او سمعت صوته
ابتسملي تاني وهو باصصلي
_أنت مش عارفني صح؟
_محصليش الشرف يا فندم واقابل حضرتك
ضحك ضحكة طويلة وبعدين بصلي تاني
_افندم ايه.. يا راجل... ركز شوية
_هو انا حاسس اني شوفتك قبل كدة، لكن للأسف مش فاكر فين
_افكرك أنا.. من سنتين..
_سنتين!!
_آه سنتين.. في شارع فاضي و مكنش فيه حد غير واحد بس معدي من قدام صيدلية وبعدين جي واحد تاني خارج من الصيدلية. و وقفه وقاله محتاج فلوس وخد منه 190 جنيه وكانوا كل الفلوس اللي معاه وحتي مخلاش فلوس يرجع بيهم البيت
بصتله في ذهول انه عارف التفاصيل دي
_انت عارف كل ده منين؟
ابتسملي وفي عيونه لمحت دمعة
_شكراً يا كريم.. لانك ساعدتني انقذ اغلي انسانه في حياتي.. لولاك امي كان زمانها ضاعت مني
الذهول والدهشة تملكوا ملامح وشي
_انت! ازاي!؟ .. انا انا مش مصدق
_انا عمري ما نسيت شكلك ولا نسيت اسمك ومن يومها وانا بدعيلك في كل صلاة وفي قيام الليل كنت دائماً بتمنى من ربي أني اقابلك تاني وأردلك ولو جزء صغير من معروفك ولو اني عمري ما هوفي
_بس ازاي.. شكلك متغير خالص.. و...
_كنت فقير.. ده اللي عاوز تقوله
_مقصدش بس انا مستغرب
_أنا مكنتش فقير.. والدي هو صاحب الشركة دي وهو اللي عمل كل حاجة بس بعد ما مات اعمامي زوروا ورق ولعبوا في الوصية و استغلوا عدم وجودي في مصر لما بابا الله يرحمه مات ولما رجعت ملقتش ولا حاجة.. كل شيء خدوه، وانا وحيد معنديش غير اختي سارة.. ولما قابلتك انا كنت يائس مش عارف ارجع حقنا ولا عارف اتحمل مسئولية امي واختي... رجعنا شقتنا في الدقي وهي شقة قديمة جداً ودورت على شغل كويس اقدر من خلاله اصرف على البيت.. والمحامي بتاع بابا هو اللي ساعدني وقدرت اثبت ان اوراقهم مزورة وان الوصية اتلعب فيها و ورثت كل حاجة عن بابا و ده كان بعد ما شوفتك بشهرين
_وأنت كنت عارف اني بشتغل عندك؟
_طبعاً... انا أول ما شوفت اسمك في الناس اللي مقدمة على شغل ف الشركة اتخضيت وطلبت اشوف ال cv بتاعك واتاكدت من صورتك انك الشخص اللي بدعي ان اشوفه تاني
_طب ومقولتليش ليه من الأول
_لسببين: الاول هو ان عاوز اردلك بعض من معروفك فـَ كنت موصي عليك ياخدوا بالهم منك في الشغل عشان تتطور اكتر
والسبب التاني له علاقة بالسبب الاول اني كنت محتاج اثق فيك وأتأكد من حسن اخلاقك وحفاظك على دينك
_وعاوز تتأكد من ده ليه؟
_لأني ناوي اعينك نائب ليا في إدارة الشركة ومش بس الشركة هتساعدني في كل حاجة املكها.. بإختصار هتبقى مدير أعمالي
_بس ده كتير
_مش كتير صدقني.. أنت إنسان شريف و نادر الاقي حد بأمانتك ودينك
_بس انا اديتك 190 وانت كنت محتاج 250 انا اديتك الفلوس ناقصة...
_ اديتني كل اللي معاك
_بس ناقصين
_ممكن حد يديني ألف جنيه و واحد تاني يديني جنيه واحد بس..اللي اداني الألف معاه 10 غيره واللي اداني الجنيه ممعهوش غيره..ف عمرها ما بالمبلغ بل بالعطاء ولو كان من عدم وانت اعطتني كل اللي معاك واظن ده شيء عظيم لو تعلم
_طب هو كل التعويضات دي والحاجات الحلوة اللي حصلتلي عشان 190 جنيه؟
_أنت مسمعتش الآية الكريمة اللي بتقول "من ذا الذي يُقرض الله قرضاً حسناً فَيُضاعفه له أضعافاً كثيرة"؟ ولا متعرفش قصة عبدالرحمن بن عوف رضى الله عنه.. اللي تصدق بماله كله 4 مرات.. وربنا بيعوض عليه في كل مرة بأضعاف اللي تَصدق به...ربك كريم يا كريم
ابتسمت لجملته وعيوني جات على السماء،ادركت وقتها حقيقة مهمه أن الله لا يريد منا سوى الصدق! أن نعبده بصدق ونحبه بصدق وننفق لأجله وأبتغاء لمرضاته،190 جنيه قدروا يغيروا حياتي.. مش مبلغ كبير اكيد لكنه مبلغ أنفقته بصدق
"إن الله طيب لا يقبل إلا طيب"
#ملكه_بحجابي