مواقف كوميدية عن جمال اللحية

لما الملتحي يتسأل اسأله غريبه زي المنتقبات

- هي اللحية بتشوكك ؟!
طبعا ، حتى شوف '' بيحاول يحضنه ''

- طب انت مربيها ليه ؟!
صاحبي عمل مشروع تربية أرانب و ابن عمي عمل مشروع
تربية بط مسكوفي ، كان لازم اشوفلي حاجه اربيها

- طب اخدت القرار ازاي ؟!
كفكرة خدت مني 7 ثواني ، كتنفيذ مروحتش للحلاق
اسبوعين ورا بعض

- طب هل فعلا في مكاسب مادية من اعفاءها ؟
اومااااال ؛ حساب الحلاق على الشعر غير على الشعر والدقن

- ابوك محاولش يقصهالك ؟!
اتعلمت ، و بقيت اقفل باب اوضتي كويس و انا نايم
ومنعت امي تشتري مقصات للبيت

- انت بتربيها عشان تحميك من الشمس ؟
آه وعلى الاقل ارخص من sun block وفي الشتا ارخص
من الكوفيه وفي الخريف بتحمينا من عدوى الفيفرو
اظن مش محتاج اقولك ربيع ده يبقى مين

- طب بتحس بحر بالصيف ؟!
اكيد ، وبحسن ببرد في الشتا كمان ؛ انا انسان والله

- هي صحيح اللحيه تمويه ؟!
يا خبر ابيض ، ده انا بخبي فيها فلوس كمان

- موقف حصلك و اللحية خدمتك فيه ؟!
لما الحاج ضربني بالقلم ، موجعنييييش

- موقف حصلك و اللحية سببت لك احراج ؟!
لما بلعب كوره مع ناس اكبر مني و يقولوا باصي يا شيخ
ولما بقع عشان اخد بلانتي ويقولوا بطل نصب يا شيخ

- موقف حصلك حسيت فيه انك مميز بسبب اللحية ؟!
لما أمين الشرطة يسيب كل الناس و يقرر يفتشني انا

- طب المايه بتوصل لخدودك عادي ؟!
لا ؛ لازم انقع راسي كلها في جردل

- سمعت انك بتحط لها جيل مثبت ؟!
دا اكيد ، لحيتي سر جمالي

- طب بتعرف تنام منها على المخدة ؟!
لا ، بنام على ضهري زي الحوامل

- طب هي لما تكبر زياده عن كدا هتسبب مشكله ؟!
اوماااااال ؛ مش هعرف اقلع التي شيرت

- انت بترد بجد ولا بتهزر ؟!
عايزني ابقى ملتحي و اهزر ؟!!!
استغفر الله استغفر الله استغفر الله

يسطفل يربيها او يزيلها ههها

هههههه