هتعرف قيمتك كأزهري
هتعرف قيمتك كأزهري لما تبقي بتصلي مع الناس جماعة والامام يغلط وانت الوحيد في المسجد اللي ترده وتصححله خطأه 
( ويا ويلك يا سواد ليلك لو غلطت وإنت بترد 
).. هتعرف قيمتك كأزهري لما تبقي موجود في مكان بعيد يوم الجمعة ( يعني مفيش خطيب ) والناس كلها تبصلك وتقولك قوم عشان تخطب الجمعه لانك الأزهري الوحيد اللي في وسطنا 
(أحلي تدبيسة 
).. هتعرف قيمتك كأزهري لما يبقي فيه فتوي محدش عارف ليها حل ، وانت الوحيد اللي تجاوب صح بالأدلة النقلية الصحيحة وبآراء العلماء التفصيلية في الحكم ، وتبقي واثق من نفسك وإنت بتتكلم لأنك دارس كويس وعارف ومتأكد إن اللي بتقولة صح جدا 
( من غير ما تفتي في اللي ما تعرفوش طبعا الله يباركلك ).. هتعرف قيمتك كأزهري لما تبقي حافظ نص القرآن وإنت في 6 إبتدائي وفي غيرك ناس كتير بتصلي بآية الكرسي والمعوذتين 
.. هتعرف قيمتك كأزهري لما تكون حافظ القرآن كلة بالتشكيل والمدود والحركات والسكون وغيرك مش بيعرف حتي إزاي يقرأ .. هتعرف قيمتك كأزهري لما تبقي حافظ أحاديث كتير عن الرسول وعارف مدي صحة كل حديث ومدي ضعفة والاسناد والمتن وغيرك أصلا مش عارف المسميات دي يعني إيه .. هتعرف قيمتك كأزهري لما تكون فاهم المواريث كويس وتعرف توزع التركات بما يرضي الله وبما يحقق شرع الله وغيرك أصلا ما يعرفش يعني ايه علم المواريث اللي الرسول صل الله علية وسلم قال عنة إنة نص العلم 
.. لما يبقي عندك 13 سنة وعارف موجبات الغسل والوضوء وغيرك أصلا مايعرفش إن في حجات بتفرض علينا الغسل أو الوضوء وأحيانا في ناس بتكون مش عارفة " كيف يكون الغسل الشرعي الصحيح " ! 
.. هتعرف قيمتك كأزهري إنك تلقائيا لو سمعت حد أخطأ في القرآن بتصحح خطأة حتي لو أخطأ في التشكيل فأنت دارس كمية مواد لغة عربية تخليك ولا الأصمعي في زمانة .. هتعرف قيمتك كأزهري لما تبقي عارف حدود الحلال وحدود الحرام وتتجنب الأمور المشتبهات التي لا يعلمها الكثير من الناس الا من رحم الله .. هتعرف قيمتك كأزهري لما تكون بتتوضي وحد جنبك يسألك عن سنن الوضوء لمجرد إنة عارف إنك أزهري 
وتجاوبة وتعلمة لوجة الله بس .. هتعرف قيمتك كأزهري لما تشوف حد بيعمل حاجة غلط بتنصحة وتعظة لله مش لأي حاجة تانية غير إنك عاوز تشوف أخوك المسلم كويس وتاحد بإيدة للجنة 
.. الأزهر نعمة كبيرة أوي بلاش تتبتروا عليها عاش الأزهر منارة للإسلام إلي يوم القيامة
لو أنت أزهرى إثبت نفسك بكومنت بذكر الله
