سحابة سوداء بينك وبين روحك

*سحابة_سوداء_بينك_وبين_روحك*

وقبل رمضان دائمًا يظهر هذا السؤال

هل أنا على الطريق الصح ؟

طالما سألت نفسك يبقى الطريق ده بنسبة ٩٩٪؜ غلط.

الطريق الصح، صاحبه عمره ما بيسأل نفسه أنا ماشى صح ولا لأ .. ولو حصل وسأل بيكون متأكد إنه صح لكن متعب مؤلم .

وعلامة مشيانك على الطريق الصح بتكمن فى ..
مؤلم ولا مريح ؟ الطريق الصح مؤلم .
سهل ولا صعب ؟ الطريق الصح صعب.
بس يستاهل ولا لأ ؟ يستاهل جدًا.

لو أنت على طريق وغيّرت وجهتك، راجع روحك فى المقدمات دى، لو بتعملها أو عملتها خلاص فاعرف إن قدمك زلت للأسف بعد ثبوتها ..

ايه هى الحاجات ؟؟
- بدأت تعمل تغيرات كتير بدافع الحرية !
- بدأت تسيب إيد كل الي بيشتدوا عليك فى النصيحة.
- بدأت تحس إنك تستاهل أفضل وإنك مظلوم جدًا .
- بدأ وهم دور " الضحية " يسيطر عليك !
- بدأت تفترى على الله وعامل من الحبه قبة، شوية تعب يبقى سرطان وهتموت.

العارض الأكبر الي يبين انت فين ..
الملل
بقيت على الرغم من إنك بتسافر وتتنطط وتخرج وتلعب وتتبسط ( ممل) عندك ملل داخلى.

فيه سحابة سودا بينك وبين روحك على الرغم إنك بتعمل كل الي نفسك فيه مهما كان أو غلط

كده أنت مش على الطريق الصح والله أعلم ..

*داليا*

شكراااا