غض البصر .. يقوي النظر

#غض_البصر_يقوي_النظر
يالا بينا
شفتي يا بت يا فتكات الشاب اللي هناك داا
اه شفته دا شاب كيوت اوووي
ولا النضارة شكلها تحفة عليه
اكرمنا يااارب بواحد حليوة زي كداا
ياارب يا عطيات ياارب
كاااات هايل يا فناااان
والمشهد داا بيتكرر كل يوم ما بينا
كل يوم بنلاقي فتكات وعطيات وكل البنات بيعاكسوا الشباب
اه والله يا جماااااعة
الامر بقي عادي خالص الايام دي
مفيش حياء خااالص
وتيجي تسأل فتكات وعطيات وتقولهم غلط كداا يا بنات
يقولوا بنتأمل في خلق الله يا اوختشي
كتيييير من البنات فاكرة ان غض البصر دا بالنسبة للشباب وبس
لا يا عفيفة القلب
انتي كمان مطلوب منك غض البصر
وداا مش كلامي داا كلام ربنا سبحانه وتعالي
" وقل للمؤمنات يغضضن من ابصارهن .."
امر صريح اهوو من ربنا
زي ما ربنا امر الشباب امرك انتي كمان ،تعرفي يا جميلة
ان ذنوب كتييير ممكن يكون سببها #نظرة
وتيجي تقولي انا مخنووقة ليه
انا مش حاسة بلذة الصلاة
انا بعيدة عن ربنا !!!!
اوعي تستهوني بالذنب مهما صغر
ساعات كتير بيكون الذنب الصغير داا هو سبب لذنب كبير
اصل الشيطان شاطر مش هياخدك علي الذنب الكبير مرة واحدة
بس انتي اشطر منه ايوة اشطر منه
انتي اشطر لو التزمتي بكلام #ربك
وغضيتي بصرك عن كل حرام
تعرفي كمان يا جميلة
لما تغضي بصرك وتعفي قلبك عن الحرام
زوجك المستقبلي هيغض بصره عن بنات الناس من قبل ما يشوفك
لانه نسخة منك
.
.
#روشتة النهاردة بقي
باذن الله من النهاردة هنغض بصرنا عن اي حرام سواء شاب او صور ممثلين هاااه
احتسبي كل حاجة بتعمليها لله وبس وربنا هيكرمك بخير كتيييير
هجاهد نفسي عشان الجنة تستاهل
#غض_البصر يقوي_النظر
#انتي_اغلي_بحيائك
خلاص اتفقنا ..!!!

احسنتي بارك الله فيكي

تسلمييي