#سؤال_و_جواب
تفتكر ايه هى الحاجات اللى تعملها علشان تطلع صور حاده جدا؟
طبعا من اهم الحاجات فى التصوير انك تطلع صور حاده التفاصيل، ودا هيحصل لو عملت كذا حاجه مترابطين و تنفيزهم سهل جدا :
١ - الحامل الثلاثى (tripod) و دا بيدى نتايج كويسه جدا حتى لو بتصور فى ضوء النهار!!
ودا علشان انك تحافظ على ثبات الكاميرا واستقرارها حاجه مهمه جدا ...
٢ - جرب تستعمل الريموت بدل ما تضغط على الشاتر بإيدك، علشان تمنع اى اهتزاز للكاميرا، او استخدام (self-timer)...
٣ - خاصيه تانيه ممكن تستعملها وهى تثبيت المرايه في الكاميرا ( mirror lock-up )
٤ - كل عدسه بيبقى فيها فتحه معينه بتقدم احسن اداء ليها و بتطلع صور جودتها عاليه وحاده جدا...
٥ - الحساسيه للضوء (ISO) اكيد طبعا مش هتحتاج ترفع الايزو لو عملت النقط اللى فاتت، علشان مع زياده الايزو جوده الصور بتقل...
٦ - آخر نقطه وهى برامج المعالجه، اول ما تبتدى احتراف التصوير هتبتدى تحس بأهميه الايديت، دى مرحله مهمه جدا لازم تعدى عليها فى صور كتير بتصورها، هتزود من جوده صورك وحدتها كمان وهتحسن حاجات كتير فى صورك...
#معلومات_تصوير
#اتعلم_تصوير
#بيت_المصورين
• #i_learn
• #cpc