(سورة الممتحنة)
سورة الممتحنة من سور الجزء الثامن والعشرين سورة كتير منا يحفظها و الحمد لله ...
بس أنتو عارفين إن أسماء السور توقيفية؟! توقيفية : يعني لازم نقف عند اسم السورة ونعرف سبب تسميتها..
من هي الممتحنه؟
الممتحنة هي أم كلثوم بنت عقبة بن أبي معيط !!
وام كلثوم دي كانت بنت عقبة بن أبي معيط اللي لقب( بأشقي القوم) هو دا اللي جاب سلا جزور(سلا جزور يعني بعد ذبح الشاة أمعاء الشاة والقاذورات اللي في بطن الشاة ) وحطها علي ظهر النبي(صل الله عليه وسلم) وهو ساجد وهو نفس الشخص اللي لف ردائه وخنق بيه النبي(صل الله عليه وسلم) وهو بيصلي لحد ما الاكسجين قل في مخه وأغمي علي النبي علية الصلاة والسلام وكمان بصق في وجه النبي عليه الصلاة والسلام
وبالرغم من كل ضلال عقبة ابن أبي معيط ربنا يجعل من صلبه من يوحد الله
أم كلثوم دي كانت مثقفة جدآ وكانت طالبة علم وكانت بتقرأ كتير
المهم يدخل الايمان في قلب ام كلثوم ولكن تكتم ايمانها عن أبوها عقبة بن أبي معيط وعن إخوانها عمارة والوليد
ويجي موعد الهجرة ويهاجر النبي عليه الصلاة والسلام وأم كلثوم عايزة تهاجر مع النبي ولكنها تخاف من بطش ابوها وإخوانها وتصبر أم كلثوم ... وتيجي غزوة بدر ويُقتل أبوها عقبة بن أبي معيط ويموت علي الكفر...
وتكبر أم كلثوم ويبقي عندها 16او 17 سنة ويجي سن الزواج ويتقدم لخطبتها أشراف شبان مكة وترفض أم كلثوم وتصبر أم كلثوم وحلمها أنها تقدر تهاجر للنبي في المدينه
بس يحصل حدث يغير حياة أم كلثوم يجي صلح الحديبية ويكون من شروط صلح الحديبية أن لو حد راح للنبي المدينه عشان يُسلم فالنبي عليه الصلاة والسلام لازم يرد الشحص ده ويرجعه تاني مكة
وتسمع أم كلثوم بشروط صلح الحديبيه يعني مينفعش خلاص تهاجر للنبي المدينه ولو هاجرت... النبي لازم يرجعها مكة تاني عشان شروط الصلح
ويشتد الخناق علي أم كلثوم وتقرر انها تهاجر حتي لو النبي رجعها مكه
أنتو متخيلين الموقف بنت عندها 16 سنه تهاجر لوحدها المدينة المنورة في الليل والطرقات اللي بين مكه والمدينه الوعرة وكمان المسافه الطويله ومش بس كده ده ممكن النبي يرجعها مكة تاني وساعتها هيتعرف أنها مسلمة وتتأذي من إخوانها !!!إيه الثبات دا يا جماعه
وتهاجر ام كلثوم وتوصل المدينة المنورة وتروح للنبي (صل الله عليه وسلم) والنبي محتار يعمل ايه معاها والصحابة يقولوا : أزاي نرجعها مكة يا رسول الله
والنبي عليه الصلاة والسلام ساكت عشان لسه منزلش الوحي ( وما ينطق عن الهوي* أن هو الا وحي يوحي)
وينزل جبريل بالوحى من فوق سبع سموات في أمر أم كلثوم وتنزل آيات سورة الممتحنة
( يا أيها الذين آمنوا اذا جاءكم المؤمنات مهاجرات فامتحنوهن الله أعلم بإيمانهن فإن علمتموهن مؤمنات فلا ترجعوهن إلي الكفار)
وينزل أمر الله من فوق سبع سموات بأن أم كلثوم مترجعش لمكه ويقبلها الله سبحانه وتعالي
ومش بس كده ويجزيها علي صبرها مش هي صبرت ومرضتش تتجوز أشراف مكة ومرضتش تبيع دينها عشان عريس حتي لو كان غني و من أشراف مكة عشان تحفظ دينها ربنا كافأها وتتجوز من عبدالرحمن بن عوف أحد العشرة المبشرين بالجنة وأغني أغنياء المدينه المنورة
دي كانت قصة إسم سورة الممتحنة ... قصة أم كلثوم بنت عقبة بن أبي معيط الصابرة المحتسبة...
سورة الممتحنة من سور الجزء الثامن والعشرين سورة كتير منا يحفظها و الحمد لله ...
بس أنتو عارفين إن أسماء السور توقيفية؟! توقيفية : يعني لازم نقف عند اسم السورة ونعرف سبب تسميتها..
من هي الممتحنه؟
الممتحنة هي أم كلثوم بنت عقبة بن أبي معيط !!
وام كلثوم دي كانت بنت عقبة بن أبي معيط اللي لقب( بأشقي القوم) هو دا اللي جاب سلا جزور(سلا جزور يعني بعد ذبح الشاة أمعاء الشاة والقاذورات اللي في بطن الشاة ) وحطها علي ظهر النبي(صل الله عليه وسلم) وهو ساجد وهو نفس الشخص اللي لف ردائه وخنق بيه النبي(صل الله عليه وسلم) وهو بيصلي لحد ما الاكسجين قل في مخه وأغمي علي النبي علية الصلاة والسلام وكمان بصق في وجه النبي عليه الصلاة والسلام
وبالرغم من كل ضلال عقبة ابن أبي معيط ربنا يجعل من صلبه من يوحد الله
أم كلثوم دي كانت مثقفة جدآ وكانت طالبة علم وكانت بتقرأ كتير
المهم يدخل الايمان في قلب ام كلثوم ولكن تكتم ايمانها عن أبوها عقبة بن أبي معيط وعن إخوانها عمارة والوليد
ويجي موعد الهجرة ويهاجر النبي عليه الصلاة والسلام وأم كلثوم عايزة تهاجر مع النبي ولكنها تخاف من بطش ابوها وإخوانها وتصبر أم كلثوم ... وتيجي غزوة بدر ويُقتل أبوها عقبة بن أبي معيط ويموت علي الكفر...
وتكبر أم كلثوم ويبقي عندها 16او 17 سنة ويجي سن الزواج ويتقدم لخطبتها أشراف شبان مكة وترفض أم كلثوم وتصبر أم كلثوم وحلمها أنها تقدر تهاجر للنبي في المدينه
بس يحصل حدث يغير حياة أم كلثوم يجي صلح الحديبية ويكون من شروط صلح الحديبية أن لو حد راح للنبي المدينه عشان يُسلم فالنبي عليه الصلاة والسلام لازم يرد الشحص ده ويرجعه تاني مكة
وتسمع أم كلثوم بشروط صلح الحديبيه يعني مينفعش خلاص تهاجر للنبي المدينه ولو هاجرت... النبي لازم يرجعها مكة تاني عشان شروط الصلح
ويشتد الخناق علي أم كلثوم وتقرر انها تهاجر حتي لو النبي رجعها مكه
أنتو متخيلين الموقف بنت عندها 16 سنه تهاجر لوحدها المدينة المنورة في الليل والطرقات اللي بين مكه والمدينه الوعرة وكمان المسافه الطويله ومش بس كده ده ممكن النبي يرجعها مكة تاني وساعتها هيتعرف أنها مسلمة وتتأذي من إخوانها !!!إيه الثبات دا يا جماعه
وتهاجر ام كلثوم وتوصل المدينة المنورة وتروح للنبي (صل الله عليه وسلم) والنبي محتار يعمل ايه معاها والصحابة يقولوا : أزاي نرجعها مكة يا رسول الله
والنبي عليه الصلاة والسلام ساكت عشان لسه منزلش الوحي ( وما ينطق عن الهوي* أن هو الا وحي يوحي)
وينزل جبريل بالوحى من فوق سبع سموات في أمر أم كلثوم وتنزل آيات سورة الممتحنة
( يا أيها الذين آمنوا اذا جاءكم المؤمنات مهاجرات فامتحنوهن الله أعلم بإيمانهن فإن علمتموهن مؤمنات فلا ترجعوهن إلي الكفار)
وينزل أمر الله من فوق سبع سموات بأن أم كلثوم مترجعش لمكه ويقبلها الله سبحانه وتعالي
ومش بس كده ويجزيها علي صبرها مش هي صبرت ومرضتش تتجوز أشراف مكة ومرضتش تبيع دينها عشان عريس حتي لو كان غني و من أشراف مكة عشان تحفظ دينها ربنا كافأها وتتجوز من عبدالرحمن بن عوف أحد العشرة المبشرين بالجنة وأغني أغنياء المدينه المنورة
دي كانت قصة إسم سورة الممتحنة ... قصة أم كلثوم بنت عقبة بن أبي معيط الصابرة المحتسبة...