فيسبوك سبب خراب حياة اشخاص كثيرون

شكرا للفيس بوك إللى خرب حياة ناس كتير .. ودمر علاقات بين الناس وانتهت ببلوك .. بوظ علاقات بين أصدقاء عشان واحد رد متأخر وهو online .. أو واحد شاف الرساله ومردش .. والخروجات كل واحد ماسك موبايله وفى دنيا تانيه بعيد عن التانى
بوظ علاقات ناس مخطوبين .. عشان خطيبها قالها هنام وفضل online للصبح .. أو بنت عملتله like .. أو واحد طلب ال password من خطيبته رفضت .. وقلة الثقة خربت علاقتهم .. أو واحده فتشت ورا جوزها لقيته بيكلم غيرها .. أو زوجه إتعلقت بواحد بيغازلها في الشات .. وبيغازل بردو عشره غيرها ويخرب لهم حياتهم .. عشرة عمر وقرايب خسروا بعض بسبب إختلاف في الرأي أو سوء فهم
مشاكلنا بقت في post ومساعدة الناس والسؤال عليهم حتى تقضية واجب العزاء بقت like .. للأسف ال social media خلتنا نخسر ناس كتير علشان بنشوفهم غلط ..كل العلاقات بقت من ورا الشاشه وناس كتير بقى عندهم إكتئاب بسببه
بقى البوست تلقيح و كلام مقصود وموجه وكل واحد ياخده على نفسه والنفوس تشيل من بعض وبقينا نحكم على بعض من كلمتين على الفيس بوك وبنصدق نفسنا ونكره ونحب على حسب الكلام إللي نقرأه
دخل ناس كتير ف مشاكل .. بقينا بنكذب علي نفسنا وعلي الناس عشان بيصدقوا البوست .. لو أنت بتضحك وبتهزر ومن جواك العكس ..
رفعت_الجلسه

فعلا
كل حاجه فيها الحلو والوحش, والسوشيال ميديا الوحش فيها اكتر من الحلو, ربنا يصلح الحال

اهم مافي الانسان المشاعر وان غابت المشاعر عليك ان تتوقعي حدوث الاسوأ عزيزتي (موضوع كتير حلو يسلمو ايديكي )