لأول مرة في تاريخ الانترنت على موقع #صن_سيت
كعب الغزاااال او القراقيش بالعجوة:
---------------------------------------
المقادير:
ـــــــــــــ
- كيلو دقيق أو 5 أكواب دقيق.
- كوب لبن دافئ.
- مغلقة طعام ممسوحة خميرة.
- ربع كيلو زبدة.
- ذرة ملح.
- عجوة.
- سمسم , ممكن شمر وينسون حسب الرغبة.
الطريقة :
ـــــــــــــ
أولاً: لتجهيز العجوة:
- نصع قليل من الزبدة على النار.
- ثم نضع العجوة ونقلبهم مع بعض جيداً.
- نضع شوية لبن عشان تخليها تكون طرية للتشكيل.
- نسيبها تبرد شوية ونشكلها صوابع رفيعة ونسيبها على جمب .
ثانيًا:لتجهيز العجينة:
- نسخن الزبدة عالنار ونقدحها يعنى نخليها تغلى اوى كأننا هنعمل كحك العيد.
- نضع الدقيق فى طبق غويط ونحط عليه السمسم والشمر والينسون حسب الرغبة، ومعاهم رشة الملح .
- نعمل حفرة فى نص الدقيق ونضيف السمنة السخنة ونقلب بمعلقة خشب عشان هيكون الخليط سخن جدا وبعدين ندعكه بادينا لحد مايبقى عامل زى الرملة المبلولة
- نضيف اللبن المخلوط بالخميرة بالتدريج لحد ماتلم العجينة وتبقى كتلة واحدة على بعضها ولو حسينا انها لسة ناشفة نضيف شوية ماية صغيرين لحد ماتلم .
- تقسم العجينة الى كرات متوسطة ونترك العجينة حوالى ربع ساعة لتهدأ وترتاح .
- نقوم برش قليل من السمسم أو حسب الرغبة على الوش.
- ناخد قطعة قطعة ونقوم بفردها غلى سطح مستوى ونحط جواها الحشوة ونقفل عليها زى الساندوتش او لو عاوزنها رول بنفرد العجينة كلها على بعض ونحط علىها العجوة ونلفها على شكل رول وبعدين نقطعها بالسكينة دواير رفيعة او نحط على طرفها العجوة ونقل مرة واحدة على قد العجوة ونقطع صوابع بالطول .
هنرص القراقيش فى صينية من غير ماتدهنيها وتسيبيها تخمر ساعة او اتنين على جمب .
- ندخلها الفرن فى الرف الوسطانى على 180 درجة لمدة ربع او تلت ساعة وبعدين نفتح عليها الشواية خمس الى 7 دقايق لحد مالوش يحمر ونطفى ونخرجها نسيبها ترتاح خالص . وتقدم بالهنا والشفا